Регион
Објавена фотографија на осомничениот за нападот во Истанбул
Турската државна новинска агенција Anadolu во понеделникот попладнето ја објави фотографијата на којашто се тврди дека е ликот на извршителот на терористичкиот напад на новогодишната ноќ во клубот „Reina“ во Истанбул.
Претходно во понеделникот беше објавено дека идентитетот на терористот, неговото државјанство и врски се утврдени, но поради интересот на истрагата, тие сé уште не се објавуваат.
„Откриени се отпечатоци од прсти, а знаеме и како терористот изгледа. Многу брзо ќе следува постапката на идентификација“, изјави турскиот вицепремиер Нуман Куртумлуш претходно на прес-конференција, потврдувајќи дека досега се уапсени осум лица во Истанбул кои се осомничени за вмешаност на некој начин со терористичкиот напад во кој беа убиени 39 луѓе на новогодишната ноќ.
Куртумлуш истакна дека неделниот напад во Истанбул се разликува од другите напади во Турција и оти дека целта била да се внесат поделби и раздор во турското општество.
Турските медиуми пишуваат дека продолжува работата на утврдување на идентитетот на напаѓачот, за кој џихадистичката групација Исламска држава објави дека е нејзин припадник.
Турските власти оценуваат дека напаѓачот би можел да се наоѓа во централна Азија, како и дека најверојатно потекнува од Киргистан или Узбекистан, пишува весникот Hurriyet.
Турската полиција соопшти дека продолжува да ги проучува снимките од надзорните камери во областа на ноќниот клуб кој беше нападната. На некои од снимките се забележани цртите на лицето на терористот. Одделот за борба со организираниот криминал и тероризам на Истанбул ја продолжува истрагата по делото.
Иследниците оценуваат дека е можно тој да биде поврзан со ќелијата којашто го изведе тројниот самоубиствен напад на аеродромот во Истанбул во јуни кога загинаа 47 луѓе.
Вицепремиерот Кутрумлуш изјави дека јасно е дека инвазијата на турската армија во Сирија во август „ги разбесни терористичките групи и оние коишто стојат зад нив“, но истакна дека воената операција „Штитот на Еуфрат“ ќе продолжи сé додека постои закана за Турција.
Анкара пред четири месеци во Сирија испрати тенови и специјални сили за да гои потисне милитантите на Исламската држава од своите граници и да ги спречи милициите на сириските Курди да ги заземат областите крај границата од кои се повлекуваат џихаистите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.