Регион
Огромна карпа се урнала во дворот на семејна куќа: страшни сцени по земјотресот во Босна и Херцеговина
Земјотресот што го погоди подрачјето на западна Херцеговина во 10.29 часот, по должината на границата со Хрватска кај Имотски, со епицентар седум километри западно од Груд, предизвика штета на многубројни станбени згради, изјави Драго Мартиновиќ, директор на Управата за цивилна заштита на кантонот Западна Херцеговина, потврдија за порталот „Аваз“.
Во месноста Грудски Врил огромна карпа се урнала во дворот на семејна куќа.
„Карпата застана пред влезот на куќата и, колку што можеме да видиме, никој не е повреден“, изјави Мартиновиќ.
Кога станува збор за оштетувањата на зградите, Мартиновиќ рече дека најмногу се работи за пукнатини на ѕидовите и поместување на ќерамидите. Најмногу, рече, се работи за објекти од постара градба.
„Утре ,општинската комисија за процена на штети ќе излезе на терен и ќе ја утврди состојбата на терен“, рече Мартиновиќ.
Тој потврди дека меѓу населението владеела вистинска паника и дека луѓето, едноставно, мислеле дека сè ќе пропадне.
„Во две училишта беа евакуирани ученици, за среќа, изминатиов период имавме вежби за евакуација. Во училиштата не е забележана штета, а наставата продолжи“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.