Регион
Од понеделник полициски час во неколку црногорски градови
Здравствените власти во Црна Гора одлучија да воведат ограничувачки мерки во пет градови во црвената зона според бројот на лица заразени со коронавирус, а одлуката за можно затворање на Подгорица ќе биде донесена откако ќе пристигнат резултатите од 200 примероци од Германија.
Од понеделник ќе се воведе полициски час од 22 до 5 наутро во Будва, Улцињ, Цетиње, Колашин и Жабљак од 22 до 5 часот наутро, а ќе има и затворање на училиштата, градинките и рестораните, изјави директорот на Црногорскиот институт за јавно здравје, Бобан Мугоша во изјава на ТВ.
Тој додаде дека мерките се воведуваат бидејќи стапката на инфекција во тие градови е поголема од 800 на 100.000 жители.
Во Подгорица стапката е помала, но Мугоша верува дека кога ќе пристигнат резултатите, главниот град на Црна Гора ќе премине во црвената зона, така што од понеделник веројатно ќе се применуваат рестриктивни мерки.
Откако бројот на пациенти започна нагло да се зголемува во септември, властите воведоа т.н. семафор според кој се воведуваат локални мерки во зависност од бројот на заразени.
Во последните 24 часа се регистрирани 146 новозаразени и три смртни случаи. Бројот на активни случаи во земјата во моментов е 4.428, или 703 на 100.000 жители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Умерено силен земјотрес во близина на Сплит
Сеизмолошката служба на Република Хрватска забележа умерено силен земјотрес во Далмација во 5.02 часот.
Епицентарот бил во близина на островот Шолта, 22 километра југозападно од Сплит.
Земјотресот бил со јачина од 3,3 степени според Рихтеровата скала, а интензитетот во епицентарот од четири до пет степени според ЕМС.
Регион
Серија земјотреси утрово ја погодија Грција, а најсилниот регистриран во близина на Закинтос
Серија земјотреси ја погодија Грција, а најсилниот од сите земјотреси беше со јачина од 4,2 степени според Рихтеровата скала, кој беше регистриран овој петок, 31 јануари 2025 година, во 8.36 часот, во областа на Јонското Море, во близина на Закинтос.
Неколку минути пред овој земјотрес Грција ја погоди послаб земјотрес со јачина од 3,1 степени според Рихтеровата скала регистриран во 8.28 часот. Пред тоа беше регистриран земјотрес со јачина од 2,1 степена според Рихтеровата скала.
Според достапните податоци, епицентарот на земјотресот бил лоциран во областа со географските координати на географска ширина 37.4804 и географска должина 20.606, пренесуваат медиумите во регионот.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 5 километри под површината на земјата.
Засега нема извештаи за материјална штета или повредени, а надлежните служби ја следат состојбата.
Регион
Регионот денеска ги бојкотира продавниците: Македонија, Србија, Црна Гора, Хрватска и БиХ против големите супермаркети поради енормно високите цени
По повиците на социјалните мрежи, денеска се очекува граѓаните во државата да ги бојкотираат маркетите поради високите цени на прехранбените производи. Иницијативата, која првин беше во Хрватска, а подоцна слични акции беа најавени и во Србија, Босна и Херцеговина, Црна Гора и Словенија, доби поддршка од пошироката јавност, како и од партиите и од власта и од опозицијата.
И премиерот Христијан Мицкоски деновиве искажа разбирање за бојкотот и најави засилени контроли и казни за трговците што го изигруваат законот и мерки за заштита на животниот стандард.
Бојкот се одржува и во Црна Гора, на кој со денови повикуваат групи граѓански активисти, невладини организации и синдикати, а делумно и владата. Истата ситуација се случува и во Хрватска, Србија и Босна и Херцеговина.
„Алтернатива Црна Гора“ денеска ги повика граѓаните да ги бојкотираат супермаркетите и продавниците во земјата. Целта на бојкотот е да се испрати предупредување до сопствениците на пазарот дека Црна Гора, конечно, може да се обедини.
Вчера, во Хрватска почна најавениот седумдневен бојкот на поголемите маркети, како и на одредени производи.
„Јас го поддржувам бојкотот, ако мнозинството бојкотира, тоа ќе има влијание однадвор“, изјавила жена за „Индекс“ пред продавница во Загреб.
Група граѓани на Босна и Херцеговина незадоволни од високите цени на храната со денови иницираа бојкот на продавниците, кој е закажан за денеска, пренесува „Кликс“.
Во најавата за бојкот се повикуваат сите граѓани да не ги трошат своите пари во продавници, пекарници, трговски центри, бензински пумпи и ресторани денеска, 31 јануари.