Регион
Потресно сведочење на судењето на масовниот убиец во Белград: „Се преправав дека сум мртва“
Во Специјалниот суд во Белград денеска продолжи судењето на Урош Блажиќ за масакрот во селата Дубона и Мало Орашје. На самиот почеток сведочеше Андријана Митровиќ, која беше тешко ранета во масакрот.
„Јас и мојот пријател таа вечер отидовме во Дубона, Младеновац. Бевме таму десет минути. Во близина се слушаа истрели, не знаевме каде. Далибор Тодоровиќ праша кому му се родило дете. Не поминаа пет минути, Урош застана со автомобилот и влезе во училишниот двор и рече: ‘Раце горе или лежете долу, ќе пукам“. Далибор или Милан му рекоа да почека, но тој почна да пука. Тогаш паднав и се преправав дека сум мртва, потоа изгубив свест, не знам што се случи потоа. Ме разбудија во амбулантата“, изјави Андријана Митровиќ.
Потоа зборуваше Милосав Тодоровиќ, таткото на жртвата Далибор.
„Имам приговор за судењето. Вие сте премногу попустливи како судија, во се. Барам во име на сите родители Блажиќ, кој не се појавија на првото рочиште, да бидат казнети со 150.000 динари за тоа“, рече тој. Родителите на убиецот не се појавија на првото рочиште кога требаше да дадат исказ, а потоа не сакаа да сведочат.
Судењето на Урош Блажиќ за масакрот во селата кај Младеновац и Смедерево почна во мај годинава, но првото рочиште веднаш беше прекинато кога родителите на убиените деца го нападнаа убиецот. По тој инцидент, судењето беше преместено во Белград, во зградата на Специјалниот суд. Досега во постапката сведочеа голем број сведоци, обвинетиот, како и родителите на жртвите и преживеаните од масакрот.
Во масакрот загинаа девет лица, додека неколкумина беа ранети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: Договорено снабдување со гас од Русија по поволна цена
Српскиот претседател Александар Вучиќ изјави вечерва дека тој и рускиот претседател Владимир Путин се договориле за купување гас по поволни цени и дека ќе разговараат за долгорочен аранжман.
Во интервју за РТС, тој рече дека договорил шест милиони кубни метри гас дневно според формулата за нафта, која се пресметува врз основа на дневната цена на таа енергија на Холандската берза (TTF).
„Вчера гасот на ТТФ чинеше 440 долари, а за Србија 323 долари, што е многу поповолно“, рече Вучиќ.
Тој додаде дека е договорена и испорака на два милиони кубни метри гас за руските компании во Србија, како што се Нафтената индустрија на Србија и Петрохемија.
Вучиќ изјави и дека се договорени дополнителни три милиони кубни метри гас, чија цена ќе се пресметува 70 отсто според цената на ТТФ, а 30 отсто според „нафтената формула“.
Тој потврди дека ќе разговараат и за долгорочното снабдување со руски гас за Србија со одредени „компромиси за работите од минатото“.
„Ние имаме вкупно 645 милиони кубни метри гас во резерви, така што луѓето не треба да се грижат. Цените што успеавме да ги договориме со руската страна се многу добри“, изјави Вучиќ.
Истакна дека е многу благодарен на руската страна за поддршката и помошта што им ја пружаат.
Регион
Се поради паркинг: нападнат директор на училиште во Ниш, интервенирала полицијата
Директорот на основното училиште „Мирослав Антиќ“ во Ниш денеска на работното место бил нападнат од родител чие дете го посетува училиштето, поради капијата што неодамна била поставена пред училишниот паркинг, пренесуваат српските медиуми.
Директорот бил физички нападнат од родител на еден од учениците поради капијата што училиштето ја поставило за да ја заштити безбедноста на 1.100 ученици.
Според написте мажот кој живеел во непосредна близина на училиштето тврдел дека капијата му го попречува паркирањето, па решил да го натера директорот да го отстрани.
– Човекот влезе во канцеларијата на директорот каде што бев и јас. Почна да навредува, да се заканува и да се жали на паркингот. Потоа фрли полно шише вода кон директорот, соборувајќи му го мониторот, упатувајќи му закани и навреди. После тоа дојде полиција и го однесе родителот, а брзата помош му помогна на директорот – изјавил училишниот стоматолог, очевидец инцидентот.
Директорот го потврди инцидентот, но, како што рече, не е овластен да го коментира.
– Според протоколот за вакви ситуации, се очекува да соопшти Министерството за образование – рече тој.
На прашањето како е, тој кратко рече дека е физички добро, но дека преживеал голем стрес.
Како што потврдуваат од полициската управа на Ниш, нападот во полиција го пријавило одговорното лице на тоа училиште и се утврдуваат сите околности на инцидентот.
За случајот е информирано и Основното јавно обвинителство Ниш.
Регион
(Видео) Снимка од апсењето на поранешниот претседател на Албанија; Бериша објави: „Ова е политички прогон“
Поранешниот претседател на Албанија и лидер на Партијата на слободата, Илир Мета, денеска е уапсен во Тирана по налог на Специјалното обвинителство за корупција и организиран криминал (СПАК) на таа земја.
Уапсен е на влезот во Тирана додека се возел до местото каде требало да одржи прес-конференција, а според последните информации, најверојатно е уапсен поради случајот со кој се поврзувал за корупција и одбивање да пријави имот, пренесува „Јуроњуз Албанија“.
🇦🇱 Albania's former president and prime minister, Ilir Meta, was arrested today.
Meta is the leader of the Freedom Party, the third-largest in Albania.
With Meta’s arrest, all major opposition leaders, including the Democratic Party’s Sali Berisha, have now been arrested. pic.twitter.com/yKDYZS7vHY
— kos_data (@kos_data) October 21, 2024
Оваа вест ја потврди и поранешниот премиер Сали Бериша, кој рече дека станува збор за политичко апсење.
-Политичкиот прогон на Илир Мета е политички, политички и само политички. Тие не објавија никакви факти, никакви документи, но ги извршија наредбите на албанскиот премиер Еди Рама, кој со сите средства политички, а можеби и физички се обиде да го елиминира Илир Мета. Еди Рама, како што во минатото осудував, е вмешан во исчезнување на лица на незаконски, противуставен начин – рече Бериша, пренесува медиумот.
Илир Мета претходно неколкупати беше повикан во Обвинителството од СПАК, поради случајот ЧЕЗ ДИА, кој се однесува на имотна истрага и лобирање.
Мета најави дека денеска попладне ќе одржи прес-конференција, но пред тоа е уапсен, пишува „Албанијан пост“.
Претходно, австрискиот весник „Кронен цајтунг“ објави дека Илир Мета и ЛСИ (сега Партија на слободата) платиле 700.000 долари за лобирање во Соединетите Американски Држави.