Регион
Чувала ловечка пушка и муниција во спалната: притвор за бабата на детето кое си го уби братот во Младеновац
На бабата на момчето кое го уби неговиот брат во селото Меѓулужје кај Младеновац, Весни Л., судијата на претходна постапка на Вишиот суд во Белград, и одредил притвор кој не може да трае подолго од 30 дена.
Нејзиниот притвор е одреден бидејќи за кривичното дело за кое се товари е предвидена казна затвор над десет години и поради нарушување на јавноста бидејќи се смета дека тоа може да го загрози непреченото и правично водење на кривичната постапка.
Обвинетата Весна Л. се товари за три кривични дела – недозволено изработување, држење и тргување со оружје, тешко кривично дело против општата сигурност и предизвикување општа опасност.
Постои сомневање дека Весна Л.(56) во спалната соба во семејната куќа без дозвола од надлежен орган чувала ловечка пушка „бокерица“ и муниција калибар 16 мм, како и дека постапила спротивно на прописите за безбедно чување оружје и муниција, за да не можат да пристапат неовластени лица.
На овој начин оружјето им го ставила на располагање на своите малолетни внуци, поради што на 6 јули околу 13 часот и 15 минути во дневната соба од куќата во која живеат нејзиниот 14-годишен внук го убил својот брат, две години помлад, со гореспоменатата пушка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.