Регион
Предизборно Русија ги испраќа шестте Миг-29 за Србија

– Српскиот премиер Александар Вучиќ најави дека во понеделник ќе направи официјална посета на Русија, информира во неделата ABC.
Се очекува во текот на разговорите со рускиот претседател Владимир Путин Вучи да ги финализира преговорите за набавка на шестте авиони МиГ-29.
Посетата ќе се одржии само една седмица пред претседателските избори во Србија. Вучиќ е сметан за фаворит и ќе се обиде да освои гласови за да победи во првиот круг на изборите.
Изданието “Jитарњи лист” излезе со анализа дека авионите можат да претставуваат предизборен подарок на Путин наменет за Вучиќ.
Весникот уште” потсетува дека во декември Србија потпиша договор за испорака на шест лесни хеликоптери H145M, а во споменатиот руско-српски договор за воена набавка се вклучени дополнително уште 60 единици вооружена техника.
Според весникот, половина од тоа количество претставуваат 30 тенкови Т-72 S, кои се со многу пософистицирана модификација и имаат подобар оклоп, но помалку управливи на огнот од американскиот М-84.
Изданието пишува дека Србија веќе објави дека ќе купува ракети “воздух-земја”, кои можат да бидат употребени од авионите “Миг-29 SM”/Крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ѓуро Мацут предложен за мандатар на новата влада на Србија

Претседателот на Република Србија, Александар Вучиќ, соопшти дека за мандатар на новата влада е предложен проф. д-р Ѓуро Мацут.
Вучиќ рече дека новата влада ќе биде избрана до Велики петок и дека ѝ претстојат тешки задачи – дека земјата се спротивставува на сите притисоци во однос на регионалната политика, дека земјата го решава даночното прашање со САД, дека го забрзува европскиот пат, дека во исто време ги зачувува своите традиционални пријатели на истокот и го враќа нивото на инвестиции, и странски и домашни.
Да потсетиме, премиерот Милош Вучевиќ поднесе оставка од таа функција на крајот на јануари, бидејќи сметаше дека е објективно одговорен за нападот врз студентите во Нови Сад.
Српскиот парламент на 19 март ја констатираше оставката на Вучевиќ, со што беше урната актуелната влада на Србија.
Рокот за избор на нова влада е 18 април.
Регион
(Видео) Снежен бран во Црна Гора

Снег паѓа во повеќето градови на северот на Црна Гора, а температурите во некои општини се под нулата.
Како што е објавено на веб-страницата на Заводот за хидрометеорологија и сеизмологија, висината на снежната покривка во Жабљак е два сантиметри, а еден во Рожаје. Според Институтот, снег во моментов паѓа во Никшиќ, Колашин, Плевља и Беране.
Температурите значително паднаа, а најстудено беше во Жабљак, каде во 11 часот беа измерени минус 4,5 степени. Во Колашин температурата е половина степен под нулата.
Од Институтот најавија дека во текот на денот ќе биде умерено облачно со преоден дожд, а на север со лапавица и снег. Поради снегот кој паѓа во Црна Гора сообраќајот се одвива отежнато.
Она што најмногу изненадува е снегот што почна да паѓа над Будва во попладневните часови, во област каде што ретко паѓа дури и во најстудените зимски месеци.
Регион
Силен ветер пренасочи авиони и ги одложи летовите на аеродромот во Дубровник

Пoради силниот ветер што денеска ја зафати областа Дубровник, три авиони кои требаше да слетаат на аеродромот „Руѓер Бошковиќ“ во Дубровник беа пренасочени кон италијанскиот град Бари, додека шест од нив беа пренасочени кон Сплит.
Авионите на EasyJet и British Airways од Лондон и авионите на Ryanair од Берлин беа пренасочени во Бари. Авионите на Ryanair од Стокхолм, Виена и Краков, KLM од Амстердам и Croatia Airlines од Франкфурт и Загреб се пренасочени кон Сплит, а летот на Austrian Airlines од Виена е откажан, објавено е на веб-страницата на аеродромот во Дубровник, Руѓер Бошковиќ.
Голем број летови од Дубровник до европските дестинации се откажани или одложени.