Регион
Рама: Србите ќе можат да влезат на Косово само како туристи
Албанскиот премиер Еди Рама, коментирајќи го скандалот со возот со српски православни мотиви кој требаше од Белград да патува до Косовска Митровица, изјавил дека не треба да постои загриженост поради политичките игри со „возовите и авионите“ и дека „Србите на Косово ќе можат влезат само како туристи“, пренесуваат косовските медиуми.
Според Рама, Косово по прогласувањето на независност успеало како „независна држава“, додека Белград и натаму пати од „кошмарите од минатото, кои ќе траат се додека Белград не го признае Косово“.
„Овие игри со возови и авиони се политичко маневрирање на политичките резултати“, заклучил Рама. „Рускиот“ воз, кој во саботата после 18 години тргна од Белград за Косовска Митровица беше сопрен во српската општина Рашка истиот ден, а вечерта беше приморан да се врати назад во Белград.
Српскиот премиер Александар Вучиќ преку викендот порача дека очигледно е оти Приштина, поради потезите кои ги преземала околу повторното отворање на железничката линија Белград – Косовска Митровица, сака да предизвика големи судири на западен Балкан.
Српскиот претседател Томислав Николиќ, пак, претходно порача дека секој следен обид на Приштина да предизвика судир ќе заврши лошо, односно дека Србија е подготвеа да прати вооружени сили на Косово доколку тамошното српско население биде загрозено.
Косовскиот претседател Хашим Тач порача дека „се надева оти Белград ја научил лекцијата“, додека косовскиот премиер Иса Мустафа навел дека „на Србите од Косово не им е потребна заштита од Белград, бидејќи нив ги штити Приштина“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.