Европа
Русија: „Нема да го признаеме таканареченото Косово, без нас нема праведно решение“
Амбасадорот на Русија во Србија, Александар Боцан Харченко оцени дека без Русија и Кина нема да има праведно решение за Косово.
Во однос на косовското прашање, Русија е доследно посветена на резолуцијата 1244, не го признава Косово и останува на принципот на поддршка на Белград, изјави рускиот амбасадор во Србија.
Тој рече дека Русија, како постојана членка на Советот за безбедност на ОН, ќе поддржи само решение кое одговара на националните интереси на Србија, без разлика дали се работи за нормализирање на односите или смирување на актуелната криза.
На прашањето дека поединци тврдат дека поради руско-украинскиот конфликт Русија може да направи пресврт и да го признае Косово, Боцан Харченко рече дека тоа не е точно. Зборувајќи за француско-германскиот план, тој рече дека Русија не е учесник во разговорите и дека формира мислење врз основа на извештаите во српскиот парламент и информациите од медиумите.
„Според мене, ова е обид Западот да најде заобиколен пат Србија да го признае Косово и таа да влезе во меѓународните институции, пред се во ОН“, изјави рускиот амбасадор за „Вечерње новости“ и додаде дека не верува дека овој план може да послужи како добра основа за понатамошни дискусии.
Тој оцени дека претседателот на Србија, Александар Вучиќ и Белград покажале волја за разговор, иако на маса има лоша хартија.
Харченко одби директно да одговори на прашањето дали Русија во Советот за безбедност на ОН ќе се спротивстави на приемот на Косово во ОН, доколку, хипотетички кажано, Србија не се спротивстави на тој прием.
Тој оцени дека т.н Косово се користи како директен притисок врз претседателот Вучиќ и дека Западот, користејќи ја геополитичката ситуација, сака да го реши прашањето на кој било начин.
„Нашите геостратешки интереси одговараат на постабилна ситуација насекаде, на Балканот, а особено во Србија, која е пријателска земја и соработуваме во различни области“, рече Боцан Харченко.
Зборувајќи за притисокот врз Србија да воведе санкции, тој рече дека Русија високо ја цени истрајноста и „херојското однесување“ на претседателот на Србија во ова прашање.
На прашањето дали Москва влијае на партиите во српскиот парламент, рускиот амбасадор одговори дека има најмногу контакти со раководството на Србија и со партиите од владејачката коалиција.
„Не е тајна дека кога влегоа во српското Собрание имавме разговор и со други партии. Нема никакви дополнителни контакти, тајни, под тепих – воопшто“, рече тој.
Харченко рече и дека приказните за регрутирање српски доброволци и шпиони од Русија се дел од хибридната војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.