Регион
„Се пребарува терен кадешто не стапнала човечка нога, полицијата го ризикува животот“ – државниот секретар за потрагата по телото на Данка Илиќ
Потрагата по телото на убиената Данка Илиќ (2) влезе во шести ден. Полицијата неуморно трага, истакна денеска државниот секретар во српското МВР Жељко Бркиќ и додаде дека полицијата ги обиколува и ги ископува сите места во Бањско поле и околината за што поскоро да се најде телото на девојчето.
Интензивно се пребаруваат и кањонот и пештерата.
Жељко Бркиќ, говорејќи за осомничените за убиството на малата Данка Илиќ, неодамна истакна дека нивниот облик на однесување е еден од најмонструозните. Еден од осомничените детално опишал како ја убил Данка Илиќ, додека другиот решил да се брани молчејќи. Исто така, осомничените за убиството меѓусебно се обвинуваат, истакна неодамна Бркиќ.
Државниот секретар во МВР се осврна на шпекулациите и апелираше јавноста да се води од соопштенијата на МВР. Посочува и дека полицијата неуморно трага по телото на Данка Илиќ.
„Ова е навистина болна тема за целото општество, многу се шпекулираше за тоа монструозно злосторство. На 4 април се соочивме со вистината дека детето не е живо“, изјави Бркиќ, пренесува „Блиц.рс“.
Над 1.500 припадници на полицијата дадоа се од себе да го пронајдат детето откако беше пријавено за исчезнато на 26 март, вели Бркиќ. Тој посочи и дека истрагата од самиот почеток одела во неколку правци, како и дека МУП мора да биде внимателен и професионален, ништо што би ја компромитирало истрагата да не излезе во јавноста.
„Во оваа прилика, би сакал да ги замолам сите учесници на јавниот простор, сите кои имаат можност да одржат јавен говор што може да се слушне, да се водат од соопштенијата што ги издава МУП. Ја замолувам јавноста да не наседнува на лажни вести и произволни заклучоци, туку да и верува на полицијата. Неуморно го бараме телото на Данка Илиќ“, изјави Бркиќ, гостин на телевизија Хепи.
„Морам да кажам дека нашите луѓе ги изложуваат своите животи на ризик и опасност затоа што пристапуваат до такви непристапни терени каде што никогаш не стапнала човечка нога. Сите тие се луѓе, сите ги чувствуваат страдањата на ова семејство и имаат деца на таа возраст. А нивната одговорност оди подалеку од официјалната и професионалната. Тоа е морална и човечка одговорност“, рече Бркиќ.
Теоријата „нема тело, нема криминал“ паѓа во вода, објаснува Бркиќ, бидејќи полицијата веќе има доволно докази за да ги осуди осомничените Дејан Драгијевиќ и Срѓан Јанковиќ.
„Самиот факт дека нема тело е приказна од роман. Имаме директни врски кои ги поврзуваат со криминалот. Ова во никој случај не може да биде обично убиство, ова е тешко убиство и носи доживотна казна затвор. Кој им помогнал, како го преместиле телото, околностите, сето тоа ќе се утврди. Сите прашања што ја заинтригираат јавноста ќе добијат одговор“, рече Бркиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.