Регион
„Скокнав, прозорците многу се тресеа“: земјотресот во Хрватска ги разбуди граѓаните

Земјотрес со јачина од 3,3 степени според Рихтеровата скала синоќа ја погоди Хрватска, забележаа сеизмографи на Сеизмолошката служба на Хрватска.
Земјотресот бил со умерен интензитет со епицентар кај Грачац.
Магнитудата на земјотресот бил 3,3 степени според Рихтеровата скала, а интензитетот во епицентарот V (пет) според ЕМС скалата.
Земјотресот бил почувствуван во областа околу Обровац, Бенковац и Задар. Пос тоа, следувале серија послаби земјотреси, од кои најсилниот бил со јачина од 1,7 степен според Рихтеровата скала во 4.51 часот.
#Earthquake (#potres) confirmed by seismic data.⚠Preliminary info: M4.1 || 16 km SW of #Gračac (#Croatia) || 3 min ago (local time 03:50:08). Follow the thread for the updates👇 pic.twitter.com/v9aUWDg8yk
— EMSC (@LastQuake) February 16, 2024
Неколку луѓе одговориле на апликацијата EMSC и го опишале земјотресот како „силен и краток“ и дека се слушнало „татнеж“.
„Бум, се затресе“, „скокнав“, „Како гром“, „Се почувствува за секунда“, напишаа тие.
„Живеам на четврти кат, прозорците многу се тресеа“, напиша на социјалните мрежи жителка, која ја разбудил земјотресот.
Засега нема информации за евентуална материјална штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Регион
(Видео) Големо невреме во Загреб, ветерот крши ролетни, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.
Регион
Дел од натстрешник се урна во центарот на Белград

Во центарот на Белград, пред продавница за парфеми, се урна таванот на натстрешник, пишува „Н1 Србија“.
Ова, најверојатно, се случило во текот на ноќта, а жената што работи во продавницата за парфеми изјавила за „Н1“ дека сè било во ред во текот на денот.
Властите поставија црвена лента на која пишува „внимание, опасност“, така што на граѓаните сега им е забрането да минуваат во тој дел од улицата.
Делови од таванот се наоѓаат и на самото шеталиште, а дел од него сè уште виси.