Регион
Сослушана дадилката на Коста: Тој беше добро дете

Дадилката на момчето убиец К.К. (13) била на разговор во полиција, каде што детално раскажала се што знае за неговото воспитување и навики.
Според Информер, таа детално раскажала се што знае за момчето убиец, неговата сестра и родителите.
Таа се грижела за момчето од кога имало само 11 месеци до пред неколку години и во тој период поминувала повеќе време со него отколку неговите родители.
Како што рекла, не може да разбере дека момчето успеало да ги убие другарите и училишниот чувар.
„Денови по злосторството во Врачар размислувала за момчето и времето кога го чувала и дека се уште не може да се опорави од шокот“, рекол изворот на порталот.
Дадилката во полиција изјавила дека додека го чувала тој бил добро дете, послушно и паметно.
„Беше добро бебе, подоцна момче. Беше натпросечно интелигентен, љубопитен и успешен во се што го интересираше. Ништо во неговото однесување не навестуваше дека тој некогаш би направил такво злосторство“, рекла таа.
Мајката на момчето кое уби деветмина негови врсници и чуварот на Основното училиште „Владислав Рибникар“ во средата беше сослушана во полиција и детално ја раскажала својата верзија за приказната на нејзиниот син. Детството, неговото здравје, односот со врсниците, семејните односи. Таа ги опиша и неговите денови пред масовното убиство, на 3 мај.
Мајката на момчето беше сослушана за да се утврди дали можеби го напуштила и малтретирала нејзиниот син пред тој да го изврши масакрот во училиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.
Регион
Млад човек уапсен во Далмација за силување и детска порнографија

Окружното државно обвинителство во Сплит отвори истрага против 25-годишен хрватски државјанин под сомнение за силување и повеќе кривични дела на детска порнографија.
Според соопштението од државното обвинителство, мажот е осомничен дека ги сторил овие кривични дела во 2024 и почетокот на 2025 година во Сплитско-далматинската жупанија. Тој е обвинет за силување согласно член 153 став 1 од Кривичниот законик и повеќе кривични дела детска порнографија согласно член 163 став 1 и 2.
По сослушувањето на осомничениот, Окружното државно обвинителство му предложи на истражниот судија да му биде одреден притвор поради можноста за влијание врз сведоците и ризикот од повторување на кривичното дело. Судијата го прифати предлогот и му одреди притвор врз основа на законски основи согласно член 123 од Законот за кривична постапка.
Регион
Вучиќ е во посета на Украина

Српскиот претседател Александар Вучиќ денес ќе ја посети Украина, што е прва посета на лидерот на земјата која одржува срдечни односи со Москва од почетокот на војната во февруари 2022 година, објави претседателството во соопштение.
„Претседателот на Република Србија ќе ја посети Украина еден ден во среда, 11 јуни, каде што ќе учествува на самитот Украина-Југоисточна Европа“, објави српското претседателство.
Српскиот шеф на државата не ја посетил Украина од почетокот на руската инвазија во февруари 2022 година.
Посетата доаѓа неколку дена откако Русија ги обвини српските компании за оружје дека се обидуваат да „забијат нож во грб“ на Москва со продажба на муниција на Украина.
Присуството на српска муниција во Украина никогаш не е јавно признато или целосно негирано. Неколку недели претходно, Александар Вучиќ, кој балансира помеѓу својот историски сојузник Русија и својата желба да се приклучи на Европската Унија, беше на Црвениот плоштад во Москва за да ја прослави 80-годишнината од поразот на нацистичка Германија.