Регион
Специјалци на Роса вооружени и со оклопни возила упаднале во објект на браната на Газивода

Припадниците на специјалната единица Роса, целосно вооружени и со оклопни возила, упаднале во објектот на големата брана на езерото Газивода, дознава Б92.нет.
Со долги цевки и оклопни возила го нашле чуварот како таму го мери нивото на водата, го избркале од зградата и ги скинале српските знамиња што се таму. Според последните информации тие се уште се на објектот кај големата брана во Газиводе, која насилно и незаконски ја запоседнале.
Управо сам обавестио @MiroslavLajcak о оружаном и противправном упаду Kуртијевих специјалаца Росу на Газиводе! Одузели су чувару кључеве, поцепали 🇷🇸 заставе.
ЕУ мора да обузда насилника и узурпатора Kуртија од његових једностраних и оружаних акција којима жели да изазове рат!— Петар Петковић (@PetkovicPetar) December 11, 2022
За упадот на Роса зборуваше и директорот на канцеларијата за Косово и Метохија, Петар Петковиќ.
Тој изјави дека за се го информирал специјалниот пратеник Мирослав Лајчак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.
Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Регион
(Видео) Големо невреме во Загреб, ветерот крши ролетни, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.