Македонија
„Сребреница – град за кој слушна целиот свет, а подобро да не слушнеше“: Во Собранието одбележани 28 години од геноцидот

„Сребреница – град за кој слушна целот свет, а подобро да не слушнеше“, истакна пратеничката Санела Шкријељ, на денешната седница на Комитетот за односи меѓу заедниците, посветена на сеќавање на геноцидот што се случи пред 28 години во Босна и Херцеговина.
Шкријељ нагласи дека, за само неколку дена, во јули 1995 година, беа убиени окол у осум илјади Бошњаци само затоа што се Бошњаци.
„Не смее да се релативизира. Сребреница мора да се нарече со вистинското име – геноцид. Оние кои го испланираа и спроведоа овој монструозен чин, сакаа да го лишат човештвото од неговите раси, етникуми и религии. Затоа ние сега мора да се залагаме за почитување на различностите и зашита на послабите и поранливите“, рече Шкријељ.
Претседателот на Собранието, Талат Џафери, во своето воведно обраќање, истакна дека после војна ништо веќе не е како што било претходно. Не може да се надомести празнината што останува на улиците, во домовите. Не се намалува ниту болката што се всадува во градите.
„Тоа го почувствував кога бев во Поточари пред неколку години. Го видовме и во очите на косовските избеглици. Го видов неодамна и во Украина. Секојдневието од ден на ден носи се позагрижувачки вести во блиското и подалечното соседство. Ние не можеме да ја ставаме главата во песок и да се однесуваме како да е се во ред и таму некаде далеку од нас. Во ова време на глобализација и напредна технологија и време на нови креативни начини на војување, мораме да се сплотиме! Живееме во свет кој е зависен од взаемната безбедносна поддршка, соработка, економска размена и трговија и задолжително сме свртени еден кон друг. Да застанеме цврсто еден покрај друг за безбедната иднина и опстанок на светот. Мораме да застанеме на страната на демократските вредности чии приоритети се човековите права и слободи, правото на живот и правото на избор. Затоа што, само така ќе победи доброто врз злото, разумот врз безумието“, рече Џафери.
Претседателката на Комитетот за односи меѓу заедниците, Арбана Пашоли, истакна дека денес се сеќаваме на темната и на бездушната страна на историјата, односно на еден од најгрозморните настани во поновата историја.
„Животот продолжува понатаму, ама сеќавањата остануваат, не само кај оние кои лично ја преживеале болката, туку и кај генерациите што доаѓаат. Затоа ние имаме одговорност да ги едуцираме нашите деца да бидат слободни во умот и во срцето и да ги почитуваат различностите“, рече пратеничката Пашоли.
На комеморативната седница на Комитетот за односи меѓу заедниците присуствуваа и националниот координатор за интеркултурализам, едно општество, развој на културата и меѓуресорска соработка, Роберт Алаѓозовски, заменик-директорот на Агенцијата за остварување на правата на заедниците, Џелал Хоџиќ, како и претставници на бошњачки невладини организации.
Алаѓозовски истакна дека, соочени со геноцидот во Сребреница, денеска имаме морална обврска да не дозволиме да се влошуваат општествените и односите меѓу заедниците.
Хоџиќ, пак, нагласи дека какво било негирање на геноцидот во Сребреница е неприфатливо за едно демократско општество.
Обраќајќи се како претставничка на бошњачките НВО во земјава, Изета Бабичиќ изрази благодарност за, како што рече, институционализирањето на сеќавањето за геноцидот во Сребреница.
„Заради превентива и за да ги заштитиме младите, треба редовно да се потсетува на оваа тема. Затоа што ваков геноцид не смее да се заборави, но и не смее да се дозволи да се повтори“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Го обновуваме паркингот на „Петар Поп Арсов“, обезбедуваме повеќе ред и подобри услови

Службите на општина Центар интензивно работат на обновување на паркинг просторот на улицата „Петар Поп Арсов“, лоциран зад Вучко.
Во тек е асфалтирање и уредување на паркингот со површина од 550 метри квадратни. По завршувањето на градежните работи, следува обележување на паркинг- местата, по што просторот ќе биде целосно функционален и подготвен за користење, извести Општината.
Реновирањето на паркингот се изведува на барање на жителите во рамки на караванот „Се гледаме во маало”, кои се соочуваат со хаотичната состојба при паркирањето и недостиг на паркинг-места, велат од Општината.
„Со уредувањето и обележувањето на овој паркинг-простор им излегуваме во пресрет на потребите на центарци, овозможувајќи организирано и поефикасно паркирање. Целта ни е да создадеме безбеден и уреден простор, со современи стандарди и подобра пристапност,“ рече градоначалникот Герасимовски.
Со овој зафат, Центар продолжува со инвестиции во подобрување на урбаната и комунална инфраструктура, се додава во соопштението на Општината.
Македонија
„Влен“: Арбен Фетаи ги уништи плановите на ДУИ и заложниците на Ѓока

„Пропагандната машина на ДУИ и нејзините патерици започнаа ниска кампања на клевети и лаги против вицепремиерот, Арбен Фетаи. Криејќи се зад лажни профили и користејќи валкани методи, тие се обидуваат да ја оцрнат неговата личност и да го попречат процесот на промени што сега стана незапирлив“, велат од „Влен“.
„Овие напади докажуваат само едно: моќта на ВЛЕН ги уништи плановите на ДУИ и Таравари со кланот Ѓока. Тие се плашат од транспарентноста, од чистите раце и од нашата решеност да ги искорениме злоупотребите, корупцијата и мафијашките врски што ја држат државата како заложник две децении.
ВЛЕН има фундаментална разлика со ДУИ и нејзините патерици: Ниту еден јавен денар не е злоупотребен од нашите претставници. Нивното богатство и интегритет се отворена книга, секој цент е заработен чесно. Без компромис и без контакт со ДУИ, нашата дистанца е јасна, бидејќи секој што ќе ја допре ДУИ е извалкан од нивното морално распаѓање. Нашето донесување одлуки е слободно, невлијателно и неуценето, бидејќи нашата единствена зависност е од нашиот народ и нација, а не од олигарси и нарко-босови. Затоа, нивните напади оркестрирани од зад сцената се едноставно очај. Тие не се осмелуваат да се соочат со вистински обвинувања, факти и аргументи, бидејќи знаат дека ВЛЕН е олицетворение на чисти раце и чесна политика.
Нека клеветат со лажни профили, нека лаат нивните дигитални платеници, караванот ВЛЕН незапирливо се движи напред, градејќи иднина каде што Албанците се посилни, а не експлоатирани, иднина без ДУИ, без патерици и без заложниците на Ѓока“, се наведува во соопштението на „Влен“.
Македонија
Шукова: Време е да ги издигнеме Скопје и Бутел од калта во која се оставени

Кандидатката за градоначалник на Град Скопје од СДСМ, Каја Шукова, и кандидатката за градоначалничка на општина Бутел, Оливера Ливринчиќ, се сретнаа во Бутел, каде разговараа за конкретни проекти и решенија со кои општината конечно ќе добие вистинско внимание и современа урбана инфраструктура.
На прошетка низ општинaта тие разговараа за повеќе клучни теми, меѓу кои и запоставената состојба на реката Серава, сообраќајниот метеж, како и потребата од нова, функционална инфраструктура која ќе донесе поврзаност и квалитет на живеење за граѓаните на Бутел.
„Време е за паметни решенија за Бутел и Скопје. Бутел конечно ќе добие посветено лидерство, ред и модерна инфраструктура каква што бутелчани заслужуваат“, порача Шукова, истакнувајќи дека нејзината визија за Скопје подразбира грижа и развој рамномерно во секој дел од градот.
Кандидатката за градоначалник на Бутел, Ливринчиќ, се осврна на состојбата на реката Серава и нејзината целосна запоставеност од досегашната локална самоуправа. Таа најави проект за уредување на целиот кеј со пешачка и велосипедска патека, создавајќи безбеден простор за сите генерации.
„Мој план е пешачка и велосипедска патека по целиот кеј. Ова ќе биде место за рекреација, безбедно за сите генерации“, најави Ливринчиќ.
Последното уредување на реката Серава, потсети Шукова, било направено во 2021 година од поранешен градоначалник од редовите на СДСМ по кој изостанала секоја реализација и одржување од страна на новото локално раководство. Шукова на Ливринчиќ и ги презентираше плановите на градот за овој дел на градот Скопје.
„Мојот план за овој дел од градот подразбира изградба на 2 нови моста на реката Серава и надвозник над булеварот Никола Карев, потпорни ѕидови од 2 километри, атмосферска и фекална канализација. Ова е голем инфраструктурен чекор но тука не застануваме. Планираната нова клучка кај булеварите ,Словенија и Никола Карев ќе биде нова порта на Скопје. Ги поврзуваме Бутел со Ѓорче, Карпош и Чаир. Ова ќе биде современ инфраструктурен јазол со велосипедски и пешачки патеки, ЛЕД осветлување и директен пристап до скопската обиколница“, најави Шукова.
Притоа двете истакнаа дека имаат решение за сообраќајниот хаос меѓу Автокоманда и Бутел, а тоа е булеварот Хрватска кој предвидува нови коловози, зелени површини, велосипедска патека и безбедни пешачки зони.
„На Скопје и Бутел им е неопходно ново раководство и управување за да се издигнат од калта во која се оставени. Скопје и Бутел имаат потреба кандидати кои ќе се спротивстават на криминално ВМРО-ДПМНЕ кое 4 години системски ги урниса Скопје и скопските општини“, порачаа кандидатките на СДСМ за Скопје и Бутел.