Регион
Српската полиција ја опколи колибата на еден од осомничените за убиството на Данка: патот до имотот целосно блокиран

Голем број припадници на српскатав Жандармерија ја опколи колибата на Срѓан Јанковиќ, кој е осомничен за убиството на малата Данка Илиќ, јавува српски Телеграф.
Колибата се наоѓа малку надвор од селото Лука, каде живее осомничениот Срѓан.
Полицијата го пребарува имотот, за да го пронајде телото на двегодишната Данка.
Овој дел од селото е многу оддалечен, а до него води само тесен земјен пат.
Тоа е ридски терен, кој е опкружен со шуми и полиња, пренесуваат српските медиуми.
Полицијата рано денеска извршила претрес во селото и имотот на осомничениот, а во потрагата им помага и таткото на Срѓан.
Пристапите кон куќата на Срѓан Јанковиќ се блокирани, а во потрага по телото на малото девојче беше подигнат и дрон.
Данка Илиќ исчезна од дворот на куќата во Бањско Поле на 26 март, околу половина час откако дошла на имотот со мајка си и братот.
Српскиот министер за внатрешни на конференцијата детаљно го откри временскиот интервал кога семејството пристигнало на имотот и кога исчезнало детето.
Претходните десет дена припадници на полицијата, граѓани и бројни други служби неуморно трагаа по девојчето, но, денеска беше потврдено дека малата Данка е убиена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Загина поранешната „Мис Балкан“, пијана пеш бегала од полицијата и паднала од надвозник

Поранешната Мис на Балканот, 27-годишната Ѓулер Ердоган го загуби животот откако падна од надвозник на патот бегајќи од полициски контролен пункт, каде беше констатирано дека е во алкохолизирана состојба, пишува турски Хуриет.
Според „Хуриет“, несреќата се случила ноќта на 1 април. При проверката било констатирано дека била под дејство на алкохол, по што излегла од автомобилот и почнала да бега.
🔴 Ramazan Bayramı tatili için ailesinin yanına Giresun’a gelen Kosova Avrupa Güzeli ve model Güler Erdoğan, üst geçitten düşerek hayatını kaybetti.
📌 Genç kadının ölümü ile ilgili soruşturma başlatıldı. pic.twitter.com/EBtIK8c5gV
— Mynet (@mynet) April 3, 2025
Обидувајќи се да побегне, таа се качила на надвозникот, но паднала на патот и се здобила со тешки повреди. Потоа ја прегазил друг автомобил.
Медицински екипи пристигнале на местото на настанот по пријава од случаен минувач. Од прегледот било утврдено дека таа починала. Според Хуриет, познато е дека Ердоган имал психички проблеми. За овој случај е отворена истрага.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Регион
Лирман дојде скришум да се сретне со своите пулени во подрумот: Додик ја прогласи германската министерка за непожелна

Германската министерка за Европа и климатски прашања Ана Лирман требаше да одржи средба во Бања Лука со претставници на Партијата за демократски напредок (ПДП), но средбата беше откажана во последен момент, пишува „Klix.ba“.
Според потпретседателот на ПДП, Игор Црнадак, причина за откажувањето на состанокот е одлуката на Владата на Република Српска да ја прогласи министерката за персона нон грата, поради што таа ја напушта земјата.
Претседателот на Република Српска, Милорад Додик, се огласи по повод средбата и ја повика полицијата да ја спроведе министерката. „Како и секој непожелен посетител, германската министерка Ана Лирман дојде во Бања Лука скришум да се сретне со своите пулени во подрумот“, рече Додик.
Како што пишува „Клик“, тој додаде дека очекува полицијата на Република Српска наскоро да ја испрати министерката. Додик, кој веќе е санкциониран од Германија и има забрана за влез во земјата, ја критикуваше и Германија, прашувајќи „во што западна некогаш моќната Германија“.