Регион
(Видео) Судиите за запаленото „бмв“ на судијката во Хрватска: Внимавајте на последиците кога зборувате за нас

Здружението на хрватските судии се огласи за возилото „бмв“ на судијката Власта Шимениќ-Ковач, кое изгоре во пожар. Станува збор за судијка што во изминатите неколку години водела низа судски постапки со голем публицитет, а таа вели дека не е изненадена од веста дека ѝ изгорел автомобилот. Судиите го осудија инцидентот.
„Најостро го осудуваме злосторството извршено врз судијката на окружниот суд во Осиек, Власта Шимениќ-Ковач. Сите што работат во јавниот медиумски простор треба да бидат свесни за последиците од своите изјави кога зборуваат за судии. На судијката Шимениќ-Ковач ѝ даваме колегијална поддршка и веруваме дека сторителите на делото ќе бидат брзо гонети и ќе одговараат за своето дело“, се вели во соопштението потпишано од Дамир Контрец, судија на Врховниот суд на Република Хрватска.
Очевидец утврдил дека автомобилот бил запален
Истрагата утврдила дека пожарот настанал од човечко дејство, а полициски службеници водат кривична истрага за да се утврдат сите околности на овој настан, информираат од Полициската управа Осиек.
“Автомобилот беше целосно запален. Не ги знаеме деталите, тоа не е наше да го утврдиме. Автомобилот кој изгоре беше многу блиску до куќата на која има голема дрвена врата, па моравме да внимаваме и таа да не се запали“, изјави Драго Прањиќ од Јавната професионална противпожарна бригада на градот Осиек.
Возилото на судијката на жупанискиот суд во Осијек, Власта Шимениќ-Ковач, вчера во 06:08 часот било запалено пред нејзиниот дом во Осијек. Станува збор за БМВ теренец X6, кој по неколку пријави од граѓани дошле противпожарни екипи да го изгаснат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Брнабиќ: Рокот за формирање нова влада е 18 април на полноќ, констатирана е оставката на Вучевиќ

Претседателката на Народното собрание на Србија, Ана Брнабиќ, изјави дека рокот за формирање нова влада почнува утре, 20 март, и изјави дека, според законот, новата влада треба да биде формирана до 18 април на полноќ.
Брнабиќ рече дека доколку до 18 април на полноќ не се формира нова влада, претседателот е должен да го распушти парламентот и да распише парламентарни избори.
Таа на прес-конференција во српското Собрание, по седницата на која беше констатирана оставката на премиерот Милош Вучевиќ, рече дека со констатацијата на оставката во парламентот и официјално е завршен мандатот на владата.
„Српскиот парламент, во согласност со член 132 од Уставот, ја призна оставката на премиерот, а со тоа и официјално заврши мандатот на Владата на Милош Вучевиќ. Од утре, 20 март, почнува рокот за формирање нова влада“, рече Брнабиќ.
Таа додаде дека, според Уставот, процедурата сега ја презема претседателот на Републиката, кој треба да предложи нов мандатар.
„Крајниот рок за формирање нова влада е 18 април на полноќ. Вучиќ треба да предложи мандатар, а мандатарот на Собранието да ги предложи програмата на новата влада и предлогот на членовите по што пратениците ќе се изјаснат за своите ставови“, изјави Брнабиќ.
Таа посочи дека доколку до тој рок не се избере нова влада, претседателот е должен да го распушти Собранието и да распише избори.
Како што наведе таа, изборите треба да се одржат од 45 до 60 дена од денот на распишувањето, што во овој случај би било почетокот на јуни.
Регион
Пленковиќ: Можеме да обезбедиме дополнителна помош доколку македонските пријатели проценат дека им е потребна

„Најпрвин да изразиме сочувство до семејствата и до Македонија за оваа голема трагедија во Кочани. Досега пет пациенти се префрлени од Северна Македонија во Хрватска“, рече премиерот на Хрватска, Андреј Пленковиќ.
Како што рече, остануваат подготвени и може да помогнат да обезбедат дополнителна помош доколку македонските пријатели проценат дека им е потребна.
„Попладнево, во Загреб ќе престојува и министерот за надворешни работи и заедно со министерот Хрстиќ ќе ги посети пациентите“, додаде Пленковиќ.
Регион
Пукање во Загреб: маскирани напаѓачи застрелале маж додека одел во кафуле и побегнале со мотор

Загрепската полиција потврди дека во средата околу 8.35 часот во загрепска Дубрава со огнено оружје бил повреден 57-годишен маж, а неофицијално се работи за бизнисмен, еден од обвинетите на УСКОК за затајување данок при увоз на луксузни автомобили, пренесуваат медиумите во регионот.
„По пријавата дека денеска, 19 март, околу 8.35 часот во Дубрава, маж имал повреда на долните екстремитети, најверојатно како последица од прострелна рана, дојавата е потврдена по пристигнувањето на полициските службеници на местото на настанот“, објави полицијата.
Од таму додаваат дека е утврдено оти станува збор за 57-годишен маж кому му била укажана лекарска помош и дека нема опасност за други лица.
На местото на настанот се утврдуваат сите околности, соопштија кусо од полицијата.
Според „Јутарњи лист“, мажот бил застрелан додека одел на кафе во маалско кафуле. Маскиран маж му пришол одзади и му пукал во нозете по што побегнал. Полицијата се сомнева дека го чекал соучесник на моторот со кој двајцата избегале, пишува медиумот.