Регион
Судири на полицијата и демонстрантите во Истанбул

Турската полиција приведе неколку претставници на синдикатот кои излегле на улиците во Истанбул по повод Меѓународниот ден на трудот – 1 Мај.
Тие излегле на улица и покрај забраната за движење воведена поради епидемијата на коронавирус. Околу 15 луѓе се приведени, меѓу кои и лидерката на големата турска синдикална конфедерација ДИСК, Арза Черкезоглу , пренесе агенцијата „Франс прес“.

epa08394960 Turkish riot police block the road as members of the Confederation of Progressive Trade Unions of Turkey (DISK) try to march to Taksim Square to place a wreath during a May Day demonstration in Isanbul, Turkey 01 May 2020, during the coronavirus disease (COVID-19) pandemic. EPA-EFE/ERDEM SAHIN
Приведените биле во група од околу 50 демонстранти, меѓу кои биле и пратеници од опозицијата. Групата тргнала во прошетка кон истанбулскиот плоштад Таксим, за да го прослават 1 Мај.
Демонстрантите излегле со заштитни маски но не ги почитувале правилата за дистанцирање.

epa08394962 Turkish riot police take into custody a member of the Confederation of Progressive Trade Unions of Turkey (DISK) as they try to march to Taksim Square to place a wreath during a May Day demonstration in Isanbul, Turkey 01 May 2020, during the coronavirus disease (COVID-19) pandemic. EPA-EFE/ERDEM SAHIN
Турските власти од денеска до понеделник воведоа строг карантин на населението во 30 најмногу населени провинции, меѓу кои е и Истанбул.
Во Турција од коронавирус заразени се над 120.000 луѓе, од кои 3.100 починаа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Регион
Дачиќ: Полицијата не искористи ништо незаконски на протестот во саботата

Министерот за внатрешни работи Ивица Дачиќ денеска изјави дека Обвинителството ги истражува наводите дека на протестот на 15 март бил употребен звучен топ и нагласи дека полицијата не употребила ништо што е незаконско средство.
„Како човек што раководи со Министерството за внатрешни работи, можам да кажам дека несомнено е оти ние не користиме никакви незаконски средства, така што тоа е почетната точка на приказната што се однесува до нас, а сте слушнале дека и други државни органи го кажале приближно истото, дека српската полиција никогаш во историјата не користела таков тип на средства.
Што се однесува до звукот, нашата полиција има само уреди што се користат за погласни соопштенија на повици или предупредувања бидејќи, според законот, треба да предупредите некого пред да интервенирате кога станува збор за поголеми собири, тоа значи нешто како можеби погласен мегафон“, изјави тој за ТВ „Прва“. Додаде дека дури и тоа не било користено.
Дачиќ рече дека полицијата потоа соработувала со чуварите од Студентската блокада. Тој истакна дека никој од полицајците на терен не забележал ништо што се случило, освен она што подоцна беше соопштено, а кое е поврзано со наводна употреба на звучен топ.
„Имаше одредени дојави дека има луѓе со ножеви, пиштоли, дека е испукан топ, поради што луѓето во одреден момент се нервозни, но подоцна се смири. И тука полицијата ништо не забележала ниту, пак, снимила нешто што би покажало дека имало некој удар.
Од таа страна, уште еднаш ќе повторам дека немаме причина ништо да криеме“, рече Дачиќ.
Тој оцени дека проблемите треба да се решаваат со дијалог, дека е победа што сè заврши мирно во саботата и дека понатамошните чекори не зависат само од едната страна и дека сите заедно треба да видиме што ќе биде понатаму бидејќи, како што заклучи, блокадата на Србија не е решение, пренесува „Танјуг“.