Регион
Терористичкиот напад во Турција е одвратен чин на кукавичлук, рече албанскиот премиер Рама
Албанскиот премиер Еди Рама го осуди терористичкиот напад во Анкара, што се случи утринава и побара Европа да ја поддржи Турција во борбата против тероризмот.
-Терористичкиот напад во Истанбул е одвратен чин на кукавичлук што Албанија остро го осудува. Тој треба да им помогне на многумина во Европа подобро да ја разберат и поддржат Турција во нејзината борба против тероризмот, напиша Рама во објава на Твитер.
Освен Рама, реагираше и министерот за Европа и надворешни работи, Игли Хасани.
-Загрижен од веста за нападот во Анкара. Албанија е во целосна солидарност со Турција и ги осудува сите форми на тероризам, пишува тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.
Регион
11-годишно момче со велосипед падна од три метри висина на Калемегдан во Белград
Единаесетгодишното момче вчера вечерта паднало од тврдината Калемегдан во Белград и се здобило со тешки телесни повреди. Како што пренесуваат српските медиуми, момчето возело велосипед во паркот Калемегдан и паднало од висина од три метри.
Белградската Итна помош соопшти дека со повреди момчето било пренесено во Ургентниот центар каде е задржано на лекување.
Регион
Додик: БИХ е последната колонија во Европа
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.