Регион
Трамп му пиша на Тачи: Ве очекувам со Вучиќ во Белата куќа кога ќе постигнете договор
Постигнување договор меѓу Белград и Приштина е достижно, истакнал американскиот претседател, Доналд Трамп, во писмо до косовскиот претседател, Хашим Тачи.
„Очекувам Вас и претседателот Александар Вучиќ да Ве пречекам во Белата куќа за да го прославиме историскиот договор“, навел Трамп во писмото.
Американскиот претседател побарал во писмото од политичките лидери на Косово да бидат единствени во постигнувањето сеопфатен договор со Србија. Писмото го објавил косовскиот претседател, Хашим Тачи, на својот фејсбук-профил.
Thank you President @realDonaldTrump for your powerful support of #Kosovo’s independence & our joint drive to reach comprehensive deal btwn #Kosovo & #Serbia. I too, look forward to celebrate finality of peace in @WhiteHouse, opening Kosovo’s path to @NATO, EU & UN memberships. pic.twitter.com/oevIfdMjYX
— Hashim Thaçi (@HashimThaciRKS) 18 December 2018
Во него се наведува дека тој договор е можност за Косово и дека неговото пропуштање би можело да значи назадување на подолго време. Потребно е воздржување од акции кои би го отежнале постигнувањето на договорот, оценува Трамп во писмото.
„Подготвени сме да ви помогнеме во настојувањата за постигнување договор, кој балансирано би се одразил на интересите на Косово и Србија. Таков договор е достижен“, нагласува Трамп.
Како што вели, САД вложиле многу во Косово како независна и суверена држава.
„Сакаме вашата земја да продолжи да се развива“, пишува американскиот претседател.
Наведува дека му било задоволство да разговара со Тачи во Париз и дека Косово го смета за партнер во настојувањата да гарантира мир и стабилност во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.