Регион
„Турски лекари ѝ ги зеле парите на ќерка ми и ја оставиле да умре: млада Британка почина во Белград поради компликации

„Српските лекари ми кажаа дека ова е трет случај на авион со британски пациенти што итно слетуваат во Белград поради компликации по естетските зафати извршени во странство“, открила мајката на 20-годишната Морган Рибеиро, која почина во болница во Белград по извршена операција на желудник во Истанбул.
Ожалостената мајка на младата Британка, која почина по неуспешната операција за слабеење, обвини клиника за естетска хирургија во Турција дека ѝ „зела пари и ја оставила да умре“.
Авионот на летот Истанбул – Лондон принудно слетал на белградскиот аеродром пред десетина дена бидејќи на еден од патниците му се слошило, односно се работело за Британката Морган Рибеиро.
Млада Британка полета за Турција за да се подложи на операција на желудникот поради тежината. Но, 20-годишната девојка од јужен Лондон почина од компликации во српска болница откако мораше итно да слета во Белград на повратен лет за Британија кога одеднаш ѝ се слошило.
Ерин Гибсон, мајката на Морган, остро ја критикува клиниката за естетска хирургија во Турција затоа што ја отпуштила ќерка ѝ од болница во Истанбул само три дена по неуспешната операција додека страдала од инфекција.
Како што изјавила за „Дејли мејл“, ниту една мајка не треба да ја преживува болката низ која поминува.
„Морган платила 2.500 фунти на компанија во Швајцарија, но операцијата била извршена во Турција. Ја уништија со операцијата. Кога авионот принудно слетал во Србија, тамошните лекари констатирале дека за време на операцијата ѝ е дупнато тенкото црево. Покрај тоа, доби и инфекција“, рекла Ерин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.
Регион
70-годишен маж почина во Хрватска: бил силуван и претепан од 36-годишник

Седумдесетгодишен маж од Чаковец, кој бил нападнат на почетокот на март, починал пред неколку дена во болница, пренесуваат хрватските медиуми. Нападот се случил на 8 март кога 36-годишен познаник го намамил во напуштена куќа во Чаковец, каде што го силувал, претепал и ограбил под закана со нож.
И покрај сериозните повреди, човекот успеал сам да стигне до болницата во Чаковец, каде што лекарите го прегледале и го пуштиле дома. Следниот ден отишол да го пријави злосторството во полиција, и повторно бил однесенво болница. Сепак, тој бил отпуштен по втор пат бидејќи лекарите процениле дека нема потреба да го задржат.
Семејството е огорчено од начинот на кој болницата постапила во случајот, истакнувајќи дека човекот бил во сериозна состојба и двапати бил отпуштен дома и покрај сериозните повреди на главата.
На крајот бил хоспитализиран во болница, каде што ги поминал последните денови од својот живот, пишуваат тамошните медиуми.
Напаѓачот, кој веќе ѝ бил познат на полицијата, бил уапсен кратко време по инцидентот. Тој е обвинет за силување и грабеж.
Канцеларијата на државниот обвинител на округот Вараждин, исто така, се огласи за случајот. Портпаролот Дарко Галиќ потврди дека истрагата е сè уште во тек.
„Со оглед на смртта на жртвата, ова повеќе не е кривично дело обид за убиство, туку убиство. Обвинетиот е во притвор. Истрагата ќе ги опфати потребните вештачења и други доказни дејствија, врз основа на кои ќе се донесе одлука за понатамошниот тек на постапката“, рече Галиќ.
Регион
Српски политичар објави фотографија: „Вучиќ седи во задниот ред кај шефот Путин“

Никола Сандуловиќ, претседателот на српската Републиканска партија, на Фејсбук сподели фотографија од вчерашниот прием на светските лидери во Москва, на која се гледа каде бил поставен српскиот претседател Александар Вучиќ во однос на другите светски лидери.
„Еве колку вреди српскиот диктатор Александар Вучиќ во вистинската меѓународна политика… тој седи во задниот ред кај својот шеф Путин, како и на сите други важни меѓународни состаноци каде што се собираат претседателите на земјите.
Само во Србија тој може, преку лаги, измислици и сопствени мистификации, да се претстави како значајна политичка фигура на меѓународната сцена… инаку, на овие собири секогаш може да се види што мислат за него и како се однесуваат кон него“, напиша Сандуловиќ.
Вучиќ пристигна во Москва за да присуствува на големата воена парада на Црвениот плоштад по повод 80-годишнината од победата над фашизмот.