Регион
„Турски лекари ѝ ги зеле парите на ќерка ми и ја оставиле да умре: млада Британка почина во Белград поради компликации

„Српските лекари ми кажаа дека ова е трет случај на авион со британски пациенти што итно слетуваат во Белград поради компликации по естетските зафати извршени во странство“, открила мајката на 20-годишната Морган Рибеиро, која почина во болница во Белград по извршена операција на желудник во Истанбул.
Ожалостената мајка на младата Британка, која почина по неуспешната операција за слабеење, обвини клиника за естетска хирургија во Турција дека ѝ „зела пари и ја оставила да умре“.
Авионот на летот Истанбул – Лондон принудно слетал на белградскиот аеродром пред десетина дена бидејќи на еден од патниците му се слошило, односно се работело за Британката Морган Рибеиро.
Млада Британка полета за Турција за да се подложи на операција на желудникот поради тежината. Но, 20-годишната девојка од јужен Лондон почина од компликации во српска болница откако мораше итно да слета во Белград на повратен лет за Британија кога одеднаш ѝ се слошило.
Ерин Гибсон, мајката на Морган, остро ја критикува клиниката за естетска хирургија во Турција затоа што ја отпуштила ќерка ѝ од болница во Истанбул само три дена по неуспешната операција додека страдала од инфекција.
Како што изјавила за „Дејли мејл“, ниту една мајка не треба да ја преживува болката низ која поминува.
„Морган платила 2.500 фунти на компанија во Швајцарија, но операцијата била извршена во Турција. Ја уништија со операцијата. Кога авионот принудно слетал во Србија, тамошните лекари констатирале дека за време на операцијата ѝ е дупнато тенкото црево. Покрај тоа, доби и инфекција“, рекла Ерин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.