Регион
Нов земјотрес во Турција

Не престанува да се тресе земјата во Турција. Нов земјотрес ја потресе земјата за помалку од 24 часа. Земјотрес со јачина од 5,1 степен по рихтеровата скала ја погоди провинцијата Елазиг во источниот дел на земјата. Според податоците, епицентарот на земјотресот се наоѓа на длабочина од околу седум километри.
#earthquake #deprem
2020.01.25 19:30 (gmt+3, tr saati)
Mag: 5.1
Loc: Ilincak-Sivrice (Elazig), Turkey or Around #turkey #séisme pic.twitter.com/CwKABbOwIQ— Major Earthquakes! (Depremler) (@_earth_quakes_) January 25, 2020
Засега нема информации за потенцијални жртви и материјална штета.
Вчера земјотрес со јачина од 6,9 степени според Рихтеровата скала исто така ја погоди оваа провинција.
Map of felt reports received so far following the #earthquake M5.1 in Eastern Turkey 47 min ago pic.twitter.com/C1XdOLJicu
— EMSC (@LastQuake) January 25, 2020
Потресот се почувствувал и во соседните земји – Сирија, Либан и Иран. Во земјотресот загинаа 22 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин