Регион
Убиен хрватски државјанин во Србија, неговото телото било фрлено на дното на бунар и покриено со бетон

Во селото Шеврљуге во западна Србија во октомври 2023 година беше пронајдено тело, а сега е утврдено дека се работи за хрватски државјанин.
Телеграф пишува дека хрватскиот државјанин најверојатно бил убиен, а потоа фрлен на дното на бунар и покриен со бетон за да се прикрие делото. Телото било пронајдено кога мештаните ангажирале машина за да го ископа бунарот за да утврди зошто нема вода во него. Телото, во фаза на распаѓање, било на длабочина од околу 1,5 метри.
Во истрагата е вклучен и Интерпол.
„Кога копале, нашле тело. Ова е првпат да се случи вакво нешто во селото“, изјави тогаш Мирољуб Миловановиќ, претседател на месната заедница. Една година пред ова откритие, сопственикот го чистел бунарот и тогаш немало ништо во него.
Последната претпоставка, по утврдувањето на идентитетот на жртвата, укажува дека се работи за конфликт меѓу криминални кланови, пишува Телеграф. Жртвата и била позната и на хрватската и на српската полиција.
„Во моментот кога беше пронајдено телото немаше исчезнати лица во Србија и областа Косјериќ. Телото беше во фаза на распаѓање, па идентификацијата беше извршена врз основа на ДНК анализа, со учество на Интерпол и со помош на информации добиени во странство“, посочи извор од истрагата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.