Регион
Ученикот се обидел да изведе трик и паднал од петтиот кат: нови детали за екскурзијата во Прага

Продолжува истрагата за трагичната смрт нс 17-годишниот ученик од гимназијата во Пореч, кој загина на матура во Прага. Објавен е официјален извештај за тоа што се случувало ноќта меѓу петокот кон саботата на 5-тиот кат во ноќен клуб во центарот на Прага, а психолошка поддршка им се дава на семејствата, учениците и наставниците.
Ученикот се обидувал да изведе трик
„Од очевидци полицијата утврдила дека се работи за несреќен случај. Младиот човек ја прескокнал оградата на балконот од ресторанот на петти кат и најверојатно сакал да изведе паркур трик. Станува збор за умешноста за надминување одредени препреки За жал, при тој скок тој падна на отворен простор, рече амбасадорката Љиљана Панциров.
Таа додаде дека обдукцијата многу брзо ќе биде завршена, бидејќи се работи за немил случај и дека од утре ќе може да се организира враќање на телото во Хрватска.
На учениците и наставниците им се пружа психолошка помош, вклучен е кризен тим, експерти, психолози. Посебните протоколи се почитуваат и се следат и се формираат советодавни одбори. Прво се работи со учениците кои беа сведоци на трагедијата. Се организираат и специјални родителски состаноци. Сето тоа е направено за да се избегнат дополнителни последици, пишува ХРТ.
„Можеби ваквите патувања треба да се откажат во иднина“
Градоначалникот на Пореч, Лорис Першуриќ, извести дека кризниот штаб за вакви ситуации во округот Истра започнува со психолошка помош, која, како што вели, ќе им биде потребна на сите.
„Многу е тешко да се потисне, спречи што било од ова, но дефинитивно во иднина можеби ќе треба да гледаме поинаку, а можеби дури и да ги откажеме ваквите патувања“, смета Сузана Хитец, претседател на Здружението на хрватски средношколци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Запален штаб, солзавец, шок бомби – масовни протести во Србија

Синоќа имаше смасовни протести во повеќе градови низ Србија, меѓу кои Белград, Ваљево, Милановац, Книќ и Нови Сад.
Пред седиштето на Српската напредна партија (СНС) во Ваљево демонстранти со качулки и покриени лица фрлаа пиротехнички средства, по што избувна пожар во дел од просториите. Огнот беше изгаснат со интервенција на противпожарните екипи и демонстранти. Искршен е влезот на Општина Ваљево, а полицијата употреби солзавец.
Во Милановац неколку стотици граѓани фрлаа тоалетна хартија кон просториите на СНС, додека во Нови Сад беа искршени прозорци со шишиња и други предмети. Во Нов Белград полицијата употреби солзавец и шок бомби, а демонстрантите се обидоа да стигнат до седиштето на СНС.
Протестите следат по повеќемесечните студентски блокади, а сега целта е промена на власта. Претседателот на Србија, Александар Вучиќ, изјави дека нема да има предвремени избори и ги нарече протестите управувани однадвор.
Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.