Регион
Харадинај планира утре да свика владина седница

Приштинската КТВ пренесува дека косовскиот премиер Рамуш Харадинај, кој вчера беше сослушан во специјалниот суд за воени злосторства во Хаг, планира за утре да закаже седница на Владата, која, како што се наведува, со поднесувањето на оставката самиот ја урна.
КТВ, повикувајќи се на свои извори, наведува дека се работи за антиуставна намера и дека таа седница, доколку биде свикана, ќе се одржи практично една недела откако Харадинај поднесе неотповиклива оставка.
Уставот е јасен по ова прашање, еден од неговите членови кажува дека со оставката на премиерот паѓа и целата Влада, вели телевизијата.
„Доколку премиерот поднесе оставка или од други причини неговата/нејзината положба останува испразнета, владата паѓа и претседателот на Република Косово, во консултации со политичките партии или коалицијата која освоила мнозинство во Собранието, наоѓаат нов кандидат за формирање влада“, вели членот 95 од косовскиот Устав.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.