Регион
Харадинај: Подготвени сме да ги укинеме царините ако Србија го признае Косово
Косовскиот премиер Рамуш Харадинај изјави денеска во Познањ дека Приштина е подготвена да ги укине царините за увоз на стока од Србија, но само ако Белград ја признае независноста на Косово.
По средбата со премиерите на земјите учеснички на Самитот на Западен Балкан во рамките на Белинскиот процес, Харадинај за новинарите изјави дека заемното признавање меѓу Косово и Србија е ,,клуч за подобра и побрза интеграција на Западен Балкан во ЕУ”.
,,Подготвени сме за укинување на царините, но мораме меѓусебно да се признаеме. Ако некој не ја признава нашата егзистенција, тогаш е невозможно да се има економски односи. За економски се потребни и политички односи. Во интерес на Србија и на Косово е меѓусебно да се признаваме”, изјави Харадинај.
Тој рече дека Приштина не донела одлука за забрана на влезот на српските официјални претставници во Косово, за што пишуваат медиумите.
,,Постои законска процедура за одобрување на влезот во Косово, но секое барање поединечно се разгледува. Пред некој ден директорот на канцеларијата на Владата на Србија за Косово и Метохија, Марко Ѓуриќ беше во Косово, не постои колективна одлука, тоа не се прави така”, рече косовскиот премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.