Регион
Хоџај: Србија не сака во ЕУ, туку сака во руски стил да доминира со регионот

Косовскиот министер за надворешни работи Енвер Хоџај изјавил дека Србија не сака да влезе во Европската унија (ЕУ), туку дека сака „во руски стил“ да доминира со југоистокот на Европа, предизвикувајќи постојани тензии со соседните држави, пренесува Hina.
„Србија во руски стил се обидува да создаде сфера на влијание во регионот, демонстрирајќи ја својата улога и сила во Босна и Херцеговина преку Република Српска, на Косово преку српското население на северот, во Црна Гора, дури и во Македонија и предизвикувајќи силни тензии со Хрватска“, рекол Хоџај за хрватската новинска агенција.
Хоџај оценил дека Србија не сака приближување кон ЕУ, бидејќи поради внатрешните превирања ни самата не е подготвена за тоа. Тој рекол дека не верува дека ќе има нова војна на Балканот, по крвавите судири од 1990-тите години кои завршија со интервенцијата на НАТО на Косово во 1999-та година.
„Не мислам дека би можел да избие широк судир или војна, но на дело е информациската војна која Белград ја води во руски стил“, рекол Хоџај. Како што пренесува Hina, Приштина истакнува дека нормализацијата на односите со Белград мора да резултира со признавање на Косово, кое е досега признаено од страна на 130 земји.
„Сите земји знаат, и Белград знае дека на крајот на тој процес Косово мора да биде признаено. Тоа е целта на дијалогот, а без тоа целиот дијалог е бескорисен“, рекол Хоџај, додавајќи дека „поради Русија и тероризмот, КФОР треба да остане на Косово подолго време“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.
Регион
Силен земјотрес ја погоди Света Гора, почувствуван на Халкидики и во Солун

Земјотрес со магнитуда од 5,3 степени е регистриран попладнево во морската област на Света Гора.
Според Геодинамичкиот институт и Сеизмолошката станица на Универзитетот „Аристотел“ во Солун, епицентарот на потресот бил на 7 километри западно од Кареја, на длабочина од 12,5 километри.
Како што јавуваат грчките медиуми, силниот земјотрес го потресе целиот регион Халкидики, како и градот Солун. Бил почувствуван и на крајбрежните области на Кавала и Тасос.
Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.