Регион
Хрватската државна секретарка: На Северна Македонија и на Албанија треба да им се дозволи да направат чекор напред на патот кон ЕУ
Хрватска силно ги поддржува земјите од Западен Балкан на нивниот пат кон ЕУ, но врз основа на заслуги, што значи дека, меѓу другото, треба да се придржуваат до принципите на добрососедски односи, изјави државната секретарка во хрватското МНР Андреја Метелко Згомбиќ.
„Хрватска силно го поддржува процесот на проширување заснован на заслуги“, изјави Метелко Згомбиќ по состанокот на министрите за европски прашања на земјите-членки на ЕУ.
Советот за општи работи, кој го сочинуваат министрите на земјите-членки задолжени за европски прашања, го одржа првиот официјален состанок под унгарско претседателство.
На средбата се разговараше за владеењето на правото во земјите членки, а за првпат на дискусијата учествуваа министрите од четирите земји од Западен Балкан, кои веќе ги отворија пристапните преговори – Албанија, Црна Гора, Северна Македонија и Србија.
Министрите на средбата не разговарале за конкретни случувања кои четирите земји би можеле да ги направат до крајот на годинава, бидејќи во Советот на ЕУ се водат дискусии на пониски нивоа.
Унгарија, како претседавач, силно се залага за напредок на земјите од Западен Балкан кон членство во ЕУ и се обидува да организира меѓувладини конференции за пристап до крајот на оваа година, со цел некои од овие земји да отворат или затворат дел од преговарачките поглавја. Ова бара консензус од сите земји-членки, пренесуваат медиумите во регионот.
На прашањето какви се шансите тоа да се случи, Метелко Згомбиќ рече дека Хрватска верува дека на Албанија и на Северна Македонија треба да им се дозволи да направат чекор напред и да отворат некои поглавја.
„Кога станува збор за Црна Гора, добрососедските односи и непреземањето дејствија што им штетат се важен елемент со кој се мери подготвеноста на земјата за напредок на европскиот пат“, рече Метелко Згомбиќ, нагласувајќи дека на средбата немало дискусија за отворање или затворање на преговарачките поглавја за која било земја.
„Ќе погледнеме до кој степен Црна Гора го исполнува она што веќе го вети и тоа ќе биде еден од елементите на кои ќе оцениме дали е време да затвори некои конкретни поглавја“, рече Метелко Згомбиќ.
Што се однесува до Србија, Метелко Згомбиќ рече дека мора јасно со конкретни мерки да покаже дека сака да оди напред на европскиот пат. „Тогаш можеме да зборуваме за некои поглавја кои се отвораат или затвораат“, рече таа.
Таа додаде дека на денешната дебата за владеење на правото потсетила на прашањето за регионалната јурисдикција.
„Сè додека постои овој закон за регионална јурисдикција, Србија не може да напредува на европскиот пат. Многу колеги во дискусијата истакнаа дека владеењето на правото е суштината на меѓусебната доверба и затоа овој обид да се дограби јурисдикцијата на една земја членка е неприфатливо“, изјави Метелко Згомбиќ.
Хрватската државна секретарка рече дека во рамките на поглавјата 23 и 24 е важно да се воспостави независност на судството.
„Оваа независност на судството потоа се мери преку конкретни чекори, на пример, дали една земја ги гони воените злосторства, особено на високо ниво, или не го прави тоа поради влијанието на политиката во судството, дали овозможува компензација за жртви на воени злосторства без никаква дискриминација“, рече Метелко Згомбиќ.
Таа рече дека претставниците на некои земји членки на дебатата ја довеле во прашање вистинската стратешка определба на некои од овие земји кандидати кон Европската унија и оти некои нагласиле преголема отвореност за влијанија од трети земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Портокалово предупредување за граѓаните на БиХ: се очекуваат обилни врнежи од снег и силни ветрови
Федералниот хидрометеоролошки институт (ФХМЗ) издаде портокалово предупредување за петок, 22 ноември, поради очекуваните обилни врнежи и силни ветрови кои ќе зафатат поголем дел од Босна и Херцеговина.
Според најавите, снегот што почна да паѓа вчера во попладневните часови во делови од земјата наскоро ќе ја зафати цела Босна и Херцеговина, што ќе донесе неповолни временски услови.
Пообилни врнежи се очекуваат во Херцеговина, западните, делумно централните и северните области на Босна. Снегот кој вчера предизвика колапс во сообраќајот, кршење гранки и паѓање дрвја, продолжи и во текот на ноќта. Овие временски проблеми предизвикаа метеж на патиштата, а возачите беа предупредени да бидат дополнително внимателни.
Од институтот напоменуваат дека, покрај снегот, ќе се засили и ветерот, што може да ги отежни условите на патиштата. Со оглед на прогнозираните врнежи, снегот ќе создаде слој мраз на возилата и патиштата, а можноста за паѓање на гранки и дрвја може да доведе до привремен застој во сообраќајот.
На граѓаните им се препорачува да ги следат најновите временски прогнози и да внимаваат при движење, а да ги осигураат возилата и имотот поради можни врнежи од снег и силен ветер.
Регион
Сараево осамна под снег: зимската идила направи колапс, сообраќајот забавен, тротоарите затрупани, гранки насекаде
Сараево утрово осамна под снег. Снегот, кој почна да паѓа во средата попладне во Босна и Херцеговина, за кратко време предизвика многубројни проблеми на градските улици и автопатишта.
Како што пренесува „Кликс“, најпрвин силен дожд, а потоа и поголемо количество снег предизвикале лизгави коловози, што довело до поголем број сообраќајни несреќи во Сараево.
Од тежината на влажниот снег има многу скршени гранки и дрвја, а се чини дека на пешаците им е најтешко, со оглед на тоа што тротоарите се многу лошо или воопшто не се исчистени во Сараево.
Зимските служби на КЈКП „Рад“ во текот на ноќта го расчистија главниот пат, но споредните улици сè уште се под дебел слој снег, пишува „Кликс“.
Регион
Ексминистер и двајца поранешни директори меѓу уапсените за уривањето на натстрешникот на Железничката станица во Нови Сад
Поради уривањето на натстрешникот на Железничката станица во Нови Сад, уапсени се 11 лица, соопшти Вишото јавно обвинителство во Нови Сад.
Натстрешникот на станицата се урна на 1 ноември. Загинаа 15 лица, а две сè уште се борат за животот.
По трагедијата во Србија, следуваа протести на граѓаните, кои бараа одговорност за катастрофата што се случи.
„Нова.рс“ дознава дека меѓу уапсените се Небојша Шурлан, поранешен директор на компанијата „Инфраструктура железници“ и Јелена Танасковиќ, која до пред неколку дена беше директор на оваа фирма.
Меѓу уапсените е и поранешниот министер Горан Весиќ, пишува „Мондо“.
Весиќ поднесе оставка од функцијата министер за градежништво, транспорт и инфраструктура. Тој поднесе оставка пет дена по трагедијата што се случи во Нови Сад, во која загинаа 15 лица.
„Дадов оставка од функцијата министер за градежништво, транспорт и инфраструктура во владата на Република Србија. Дадов оставка како одговорен човек, кој со личен пример сака да покаже дека во денешна Србија има морална одговорност поради страшната трагедија што ја се случи во одделот што го раководам“, рече тој.
За делото е предвидена затворска казна од две до 12 години, информираат од Обвинителството во Србија.
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
ЈСП избрало неприфатлива понуда во набавката на „евродизелот“, утврдени неправилности во постапката, соопшти Бирото за јавни набавки
Постапката за јавна набавка на „евродизелот“ објавена од страна на договорниот орган ЈСП беше предмет на управна контрола во Бирото...
Славески свика итна вонредна седница на Советот на Скопје поради колапсот на јавниот превоз
Претседателот на Совет на Скопје Трајко Славески за денеска во 18 часот закажа итна вонредна седница на која треба да...
Колапс на јавниот превоз, скопјани се солидаризираат: „Застанете ако сте со автомобил, превезете некого“
Од синоќа, со оглед дека нема автобуси, на социјалните мрежи се споделуваат повици за оние што одат на работа со...
Ексминистер и двајца поранешни директори меѓу уапсените за уривањето на натстрешникот на Железничката станица во Нови Сад
Поради уривањето на натстрешникот на Железничката станица во Нови Сад, уапсени се 11 лица, соопшти Вишото јавно обвинителство во Нови...
(Видео) Русите ја нападнаа Украина со шест бомбардери „ту-95“ и „миг“, Днепар во пламен
Во денешниот руски ракетен напад е оштетена индустриска компанија во Днепар, а во градот избувнале пожари, изјави началникот на воената...
Ажурираната нуклеарна доктрина на Русија е лукав потег на Путин против Бајден и му оди во прилог на Доналд Трамп
Нуклеарните закани на Москва се прилично суптилна игра која директно не ѝ штети на Русија, туку му штети на актуелниот...
Северна Кореја и Русија потпишаа протокол за соработка
Северна Кореја и Русија потпишаа протокол за соработка по состаноците за трговија, економија, наука и технологија во Пјонгјанг, објави севернокорејскиот...
(Видео) Еруптира вулкан на Исланд
Вулкан во близина на главниот град на Исланд доцна синоќа еруптираше по десетти пат во последните три години, исфрлајќи големи...
(Видео) Заглавен сообраќајот во Скопје, автобуси нема, Брзата помош не можеше да се пробие на Бит Пазар
Скопје е парализирано попладнево. Автобусите не сообраќаат, а граѓани се жалат дека не успеваат да најдат ниту слободно такси поради...
Осудени велешаните кои силуваа 14-годишно девојче, највисоката казна е 5 години и 6 месеци затвор
Во Основниот кривичен суд денес беше објавена пресудата против тринаесетте лица од Велес кои беа обвинети за сексуално злоставување на...
Мицкоски за Шекеринска: Ѝ честитав за изборот за заменик-генерална секретарка на НАТО, за нас – националното единство е пред партиските интереси
„Не е тајна дека во минатото сме имале многу концептуални разлики кога станува збор за справувањето со актуелните проблеми, политиките,...
Со гордост ќе ја претставувам Северна Македонија на оваа висока меѓународна позиција, рече Шекеринска
Радмила Шекеринска, која беше назначена за втор човек на НАТО, односно заменик-генерална секретарка на алијансата, утрово се заблагодари за честитките...
Поднесени 20 претставки за загадениот воздух, Меџити вели дека гасификацијата е решение за урбаните средини
До народниот правобранител поднесени се 40 претставки од областа на животната средина, од кои 20-ина за квалитетот на воздухот, изјави...
