Регион
Хрватскиот кардинал Пуљиќ: И Хитлер дошол законски на власт
Надбускупот и врхобосански кардинал Винко Пуљиќ тврди дека на Хрватите во Босна и Херцеговина им се одземаат правата и дека тоа се претставува дека е законски.
„И Хитлер дошол законски на власт“ предупредил кардиналот.
Како што пренесува „Хина“, кардиналот Пуљич алудирал на тоа дека Хрватите во БиХ се наоѓаат во нерамноправна положба откако за хрватски член на претседателството на БиХ бил избран пробошњачки политичар со хрватски корења – Жељко Комшиќ, наводно благодарение на гласовите на Бошњаците.
„Во време на 1945 година законот ни го одзеде имотот и уништи сè што е хрватско и интелигентно. По закон бевме протерувани и по закон и Хитлер дошол на власт. Но, прашање е каков е тој закон под кој се одземаат правата на еден народ и се сака да избрише дека живеел тука, како што тоа се сака да им се направи на Хрватите во БиХ“, рекол кардиналот Пуљиќ.
Кардиналот порачал дека ниту еден народ нема да има среќа ако уништи друг народ и оценил дека токму тоа се случува во БиХ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.