Регион
Ципрас планира предвремени избори?

Неколку недели пред европските и локалните избори во Грција, премиерот Алексис Ципрас повторно ја рагледува опцијата за предвремени парламентарни избори, пишуваат грчките весници.
Како што пишува „Катимерини“, имајќи предвид дека, според актуелните анкети, опозициската Нова демократија е во силна предност во однос на СИРИЗА, инсистирањето на Ципрас парламентарните избори да се одржат во октомври, како што е планирани, почнува да звучи неубедливо и повторно предизвика шпекулации за потенцијално одржување на избори во мај или јуни.
Најави за поведување обвинение против десет грчки политичари, поврзано за аферата со подмитувања и швајцарската компанија „Новартис“, би можело да влијае на поддршката на партијата на Ципрас, но како што пишува весникот „Катимерини“, влијанието на оваа истрага на довербата би било ограничено бидејќи обвиненијата не се темелат на докази, туку на сведочења на сведоци.
Во меѓувреме, последната во низата иницијативи на владата на Ципрас – да им се олесни товарот на Грците – реформа што им овозможува на даночните обврзници да ги враќаат своите долгови кон државата на 120 рати, би можело да го зголеми рејтингот на СИРИЗА, но не доволно, сметаат грчките аналитичари.
Ципрас исто така ја промовира предноста на преспанскиот договор со Северна Македонија, но неговата неодамнешна посета на Скопје,покажа дека не постојат непосредни решенија на загриженост на грчките земјоделци за заштита на брендот Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
По две недели, студентите ја прекинуваат блокадата на РТС

Студентите во Белград вечерва објавија дека ја прекинуваат блокадата на зградата на Радио и телевизија на Србија, објави Б92.рс.
Тие на социјалните мрежи објавија дека ја прекинуваат блокадата што беше воведена од 14 април, откако Комисијата за култура и информации донесе одлука за откажување на стариот конкурс и распиша нов конкурс за избор на членови на Советот на Регулаторното тело за електронски медиуми (РЕМ).
Министерот за информации и телекомуникации, Борис Братина, синоќа изјави дека верува оти распишувањето на нов конкурс за избор на членови на советот на РЕМ, кој беше поставен како услов за прекин на блокадата на РТС, нема да ја заврши кризата околу јавниот сервис.
„Прво, оние што протестираат пред РТС всушност се на погрешна адреса. Бидејќи РЕМ се наоѓа на различна адреса од РТС, и тоа е она што всушност најмногу ги интересира, како и многу други. Генерално, тоа е еден вид борба за тој РЕМ, бидејќи највредните работи таму се всушност овие природни ресурси, со други зборови, фреквенциите што ги доделуваат“, истакна Братина.
Тој рече дека Владата добила писмо од директорот на РТС, во кое се наведува дека новинарите немаат услови да работат од дома, дека ситуацијата е тешка, дека програмата е доведена во прашање, но дека никаде не е наведено зошто.
Поради блокадата, РТС ја емитува својата програма според изменет распоред, а јавниот медиумски сервис објави дека вработените вложуваат големи напори за реализација и емитување на програмата, и покрај, како што велат, нелегалната блокада на зградата, студиото, емитувачката и другата опрема, како и прогонот на новинарите и снимателите на терен.
Регион
(Видео) Нападнат декан на факултет во Нови Сад; Брнабиќ: Кој сака да живее во ваква држава?

На протестите во Нови Сад нападнат бил деканот на Факултетот за спорт и физичко образование во Нови Сад, Патрик Дрид, кој со возило на брза помош бил пренесен во болница, објавија српските медиуми.
Според медиумите, демонстрантите кои се собрале пред Факултетот за спорт и физичко образование (ДИФ) во Нови Сад не им дозволиле на деканот на Факултетот, Патрик Дрид, и на професорите да влезат во зградата на факултетот.
Премиерката на Србија, Ана Брнабиќ, го осуди нападот.
„Згрозена сум од насилството, садистичкото, нечовечко дивеење и нападот врз професорот Дрид во Нови Сад. Ајде повторно – кој сака да живее во ваква земја? Кој сака Србија да стане земја каде што полудени бандити линчуваат луѓе по улиците и се радуваат затоа што се повредени? Какви луѓе се овие што блокираат амбулантно возило во кое е повреден човек, што и да мислите за нив?! Во исто време додека го напаѓаат професорот Дрид во Нови Сад затоа што влегол на државен факултет како ДЕКАН, блокадорите во Ниш го нападнаа Клиничкиот центар Ниш, со цел физички да ги спречат студентите на Медицинскиот факултет да посетуваат клинички курсеви и да лекуваат луѓе! Монструозно. Секој што учествува во вакво безумно дивеење на улиците на Србија мора да биде повикан на одговорност! СТОП НА НАСИЛСТВОТО!
Zgrožena sam i zapanjena nasiljem, sadističkim, neljudskim divljanjem blokadera nad profesorom Dridom u Novom Sadu. Hajdemo ponovo – ko želi da živi u ovakvoj državi? Ko želi da Srbija postane zemlja u kojoj pomahnitali nasilnici linčuju ljude na ulici i raduju se zato što su… pic.twitter.com/NwUk5i9TQa
— Ana Brnabic (@anabrnabic) April 28, 2025
Министерот за правда Ненад Вујиќ, изјави дека денешното однесување на демонстрантите е јасен напад врз таа институција и насилно спречување на вработените да работат.
„Неприфатливо е насилни поединци да си даваат право да ја спречуваат работата на факултетите и професорите да си ја вршат својата работа“, рече Вујиќ.
Тој додаде дека очекува надлежните органи да реагираат и да им овозможат на деканот и професорите непречено да ги извршуваат своите работни задачи, како и да ги гонат одговорните за нападот.
Регион
Вучиќ: Оние што ме блокираат нема да ме исплашат, ова е чисто малтретирање и насилство

Претседателот на Србија, Александар Вучиќ, коментирајќи ги заканите дека не му е дозволено да оди во одредени градови, рече дека е слободен човек во секој град и дека 20 од нив не може да го исплашат.
„20 од нив се собираат и мислат дека ќе ме исплашат. Ќе одам во секој град, ќе го промовираме движењето, а првиот ќе биде Ниш“, рече Вучиќ и додаде дека оние што блокираат, ќе се обидат и да ги малтретираат.
Тој потсети дека блокадите го запреа економскиот раст на земјата. Ова, се сеќава тој, траело шест месеци. „Повеќе не можеме да го дозволиме тоа“, истакнува понатаму претседателот на Србија.
„Секоја блокада е малтретирање. Луѓето се против тоа. Додека можеме да го толерираме, добро е да им дозволиме на луѓето да видат какви се. Кога нема да го сториме тоа, тоа ќе биде крај“, рече Вучиќ.
Зборувајќи за студентите што блокираат, а кои беа добредојдени во Хрватска, Вучиќ рече:
„Ги принудија да го тргнат она што беше напишано на кирилица. Сите луѓе во Србија гледаат сè.“
„Јас сум човек на слободата на секое место на светот, во Србија. Се собираат 20 или 100 од нив и велат дека сега сте персона нон грата. Ќе одам во секој од тие градови, првиот ќе биде Ниш. Едвај чекам да одам, ќе ве известам дали ќе биде на 10 или на 17 мај, рече тој.
Запрашан да го коментира барањето за распишување избори, Вучиќ рече дека никој не му испратил барање за избори.
„Ги повикав, но тие не разговараат со мене, не ме прашуваат за ништо. Го излажаа народот“, рече Вучиќ.
„Според Уставот, тие немаат право да распишуваат избори. Не ме прашуваат и не побараа ништо, а не знам, можеби и јас ќе ги свикам“, додаде тој.