Регион
Чепурин: Зa Приштина е подобро да води дијалог со Белград
![](https://makfax.com.mk/wp-content/uploads/2019/01/chepurin-ruski-ambasador.jpg)
Русија останува верен партнер на Србија, порача рускиот амбасадор во Белград, Александар Чепурин во пресрет на посетата на шефот на руската држава на Србија. Тој порача дека претстојната средба на претседателите на Србија и Русија, трета за девет месеци, ќе биде потврда за взаемната доверба и разбирање, но и можност да се укаже на потребата двете земји да ги штитат националните интереси во согласност со своите потреби, а не да се задоволуваат интересите на Западот.
Чепурин навел дека Косово ќе биде високо на агендата на разговорите меѓу двајцата државници.
Тој нагласил дека пред двете земји е грандиозна задача за економска и социјална обнова, како и задача за дефинирање на политиката на ефикасна заштита на сопствените национални интереси.
Посетата на Путин на Србија е планирана како одговор на повикот на претседателот Вучиќ, но и во согласност со редовните контакти меѓу двајцата лидери, додал Чепурин, кој најави дека за време на разговорите ќе бидат разгледани и актуелните прашања во билатералните односи за да се најдат можности за проширување на соработката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.