Регион
Шешељ повторно ги запали знамињата на ЕУ и НАТО
Лидерот на српските радикали, Воислав Шешељ, на денешното одбележување на 20-годишнината од бомбардирањето на поранешната Сојузна Република Југославија, ги запали знамињата на ЕУ и НАТО.
Со тоа симболично испрати порака за односот на српските радикали кон тие организации, соопшти неговата Српска радикална партија. Тој во 2016 година пред зградата на Специјалниот суд во Белград ги запали знамињата на ЕУ и НАТО, пред да биде сослушан во Специјалниот суд во врска со барањето на Хашкиот суд за неговото предавање на Трибуналот, каде на 31 март 2016 му беше изречена првостепена пресуда, но сослушувањето беше откажано поради процедурални причини.
SRS is also comparing European Union and NATO to Nazism and protesting against Serbia’s plans to join the EU. Seselj burns an EU and a NATO flag. pic.twitter.com/EySIcLkCY1
— Stefano Giantin (@stefanogiantin) March 24, 2019
На денешниот собир Шешељ порача дека српскиот народ никогаш нема да го заборави злосторничкото бомбардирање на Србија, како и дека никогаш нема да се помирисо идејата дека Србија треба да стане членка на НАТО.
Шешељ истакна дека Србија нема што да бара во ЕУ, каде, како што рече, се сконцентрирани сите најлоши непријатели на српскиот народ.
За радикалите, порача Шешељ, постои само еден пат, а тоа е патот кон истокот, интегрирање со Русија и членство во Организацијата за договор за колективна безбедност.
Шешељ, кого Хашкиот суд во 2018 година го осуди поради прогон на Хрватите од Војводина, оцени дека неодамнешната пресуда на судот за поранешниот лидер на босанските Срби, Радован Караџиќ, е целосно противправна и политички мотивирана.
Неколку стотици радикали тргнаа во протестна прошетка до канцеларијата на претседателот, носејќи транспаренти со натпис: „ЕУ и НАТО – непријатели на Србија“ и извикуваа „Србија, Србија – Не ни треба Унија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.