Високиот кривичен суд на Република Хрватска донесе пресуда со која ја одби жалбата на обвинетиот Зоран Буила (52), познат како Барикада, од Петровац, недалеку од Вуковар, кој беше осуден за бруталното убиство на неговата сопруга Аница (46) и делумно ја прифати жалбата на државниот правобранител и ја преиначи одлуката за казната, пресудата на Жупанискиот суд во Вуковар и обвинетиот за убиство го осуди на 20 години затвор, што е максималната казна пропишана за тоа кривично дело.

Обвинетиот е осуден бидејќи по кратка вербална и физичка расправија со ловечки нож со должина на сечилото од 14 сантиметри и нанел повеќе убодни рани на сопругата во пределот на абдоминалниот дел и белите дробови, при што таа веднаш починала од здобиените повреди. Потоа и го завиткал телото во две ќебиња залепени со селотејп трака, а околу вратот и врзал електричен кабел на чиј крај врзал парче бетон и го фрлил во септичката јама во дворот од семејната куќа.

Со првостепената пресуда е осуден на 17 години затвор.

Високиот кривичен суд на Република Хрватска утвридл дека првостепениот суд погрешно му придал големо значење на олеснителните околности (неосудување) а ги потценил исказите дека делото е извршено против сопругата како и околностите на дејствијата на обвинетиот по извршувањето на кривичното дело убиство (прикривање на извршување на кривично дело особено на децата и семејството на починатиот, фрлање на мртвото тело на неговата сопруга во септичка јама, префрлајќи ја вината на починатата сопруга со тврдење дека го запоставила него и домашните работи и го „провоцирала“, и дека тој имал „жолта минута““ па ја убил поради тоа).

По убиството, обвинетиот речиси четири месеци ги лажел загрижените деца и родителите дека сопругата го оставила и заминала кај љубовникот, покажувајќи им ги лажните пораки што си ги праќал со вметнување на нејзината мобилна картичка во мобилниот телефон.

Ваквиот однос на обвинетиот кон жртвата, која очигледно психички и физички ја малтретирал во текот на животот (како што верно го опишуваат нивните деца – „дека живееле под воен режим и воена чизма“) укажува на неговото зголемено ниво на бруталност и бесчувствителност што е особено отежнувачка околност и која судот не ја ценел со доволно внимание иако е утврдено во самата постапка , пренесуваат медиумите во регионот.