Регион
Турските копнени сили накусо влегоа на ирачка територија
Турција потврди во вторникот дека нејзините копнени сили накусо навлегле на ирачка територија, поради операцијата во трагање по курдските бунтовници.
Турските копнени сили влегле од југоисточна Турција во курдската автономна покраина Северен Ирак, каде што забранетата Работничка партија на Курдистан (PKK) има свои бази, објави CNNTurk.
Станува збор за одговор на турската армија за нападот од неделата во кој беа убиени 16 турски војници во областа на Даглича, на крајниот југоисток на Турција, како и нападот од вторникот утрото во кој беа убиени 14 турски полицајци додека патуваа кон границата со Азербејџан, во областа на Игдир, како и уште двајца полицајци кои биле жртви на PKK во областа Тукчели.
Турската влада вети дека ќе ја искорени PKK по споменатите напади врз нејзините безбедносни сили, најсмртоносни по многу години. Турскиот претседател Реџеп Тајип Ердоган вети во вторникот дека нема да им ја препушти земјата на терористите. „Не им ја препуштивме и нема да им ја препуштиме оваа земја на тројца или пет терористи“, рече Ердоган во говорот снимен во Анкара, емитуван на телевизиите.
Турската воена авијација со масовни напади ноќта кон вторникот ги бомбардираше главните бази на курдските герилци од PKK и според нејзините извори убиле 40 борци, на што курдската герила одговори со нападот во Игдир врз полицајците.
Повеќе од 50 турски борбени авиони во текот на шест часа гаѓале 20 целина PKK „усмртувајќи меѓу 35 и 40 терористи“, објавија воени извори за медиумите. Меѓу целите била и „група од 20 до 25 терористи кои бегале од Турција и се криеле во нивните бази“.
Од крајот на јули турската армија во прокламираната владина антитерористичка борба започна со воени операции против PKK со артилериски и воздушни удари врз нејзините засолништа и бази во планинската област на северен Ирак, во автономната курдска покраина. Во тие напади, според турските извори, уништени се десетици бази на PKK, а убиени се повеќе стотици, па дури се споменува и бројка од две илјади курдски герилци, кои тврдат дека нивните загуби се далеку помали. PKK од своја страна возврати со речиси секојдневни герилски напади на турска територија во кои се убиени околу стотина припадници на безбедносните сили. Анкара го услови продолжувањето на преговорите, доколку PKK го положи оружјето и сите нејзини борци се повлечат од територијата на Турција, процес кој беше запрен во летото 2014 година, откако Курдите ја обвинија турската влада дека не се придржува до договорот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.