Многу неизвесност има пред конференцијата за Западен Балкан, на која лидерите на сите држави од регионот се очекува да разговараат за јакнење на соработката и евроинтеграциите, што треба да се одржи во сабота во Брдо кај Крањ

Kомпликации настанаа во врска со учеството на српскиот претседател Борис Тадиќ кој е дециден дека нема да учествува на конференцијата, ако Косово не биде застапувано согласно резолуцијата 1244 на Советот за безбедност на Обединетите нации. Од друга страна косовскиот премиер Хашим Тачи исто така децидно тврди дека ќе присуствува ако Косово учествува под исти услови како и другите држави.Словенечкиот премиер Борут Пахор, кој заедно со претседателската на Хрватска влада Јадранка Косор, ја организира конференцијата, до последен миг се обидува да најде решение прифатливо за сите.Пахор во среда отпатува во ненајавена посета на Белград, во обид да го предомисли Тадиќ, кој цврсто стои на својот став. Словенечкиот премиер вчера беше на разговор со претседателот на Европскиот Совет Херман ван Ромпуј, кој исто така е поканет на конференцијата. Неговото учество се уште не е потврдено, а неофицијално зависи од присуството на Тадиќ.Засега Словенија останува на ставот дека конференцијата ќе се одржи, без оглед на присуството.Една од можните компромиси, кој беше споменуван деновиве е дека конференцијата ќе мине без знаци и симболи на државите, а лидерите ќе бидат претставени само со имиња и презимиња. Но по се изгледа ова не е прифатливо за другите учесници на конференцијата.На Конференцијата Македонија ќе ја претставуваат премиерот Никола Груевски, вицепремиерот за евроинтеграции Васко Наумовски и шефот на дипломатијата Антонио Милошоски, а покрај домаќините Словенија и Хрватска, поканети се и Србија, БиХ, Црна Гора, Косово и Албанија, како и претставници на ЕУ.Доколку дојдат сите поканети, Конференцијата за Западен Балкан ќе биде прва средбана лидерите на државите на поранешна Југославија, по распаѓањето на заедничката држава, пред речиси две децении.