Регион
Големи обвинувања на косовските медиуми за УНМИК

Косовскиот дневен весник Kosova Sot ја обвини мисијата на Обединете нации на Косово – УНМИК дека уништувала докази за многу политички мотивирани убиства на Косово.
Весникот во понеделникот повикувајќи се на неименувани извори, објави тврдење дека УНМИК во периодот од 2006 и 2007 година уништил докази за многу политички убиства, а според пишувањето на Kosova Sot доказите се уништувале во подрумот на косовскиот Врховен суд во Приштина.
Хилми Зитиа, кој во тоа време бил главен државен обвинител, за весникот изјави дека нема влијание на тоа кои документи косовското правосудство ќе ги отстапи на УНМИК. Според неговите зборови, претставниците на УНМИК сами одлучувале кои документи ќе ги преземат.
Меѓу случаите кои никогаш не се расчистени, весникот го наведува убиството на Џемаил Мустафа, советник на поранешниот косовски претседател Ибрахим Ругова, Мустафа е убиен на 23-ти ноември 2000 година, пред неговата куќа во Приштина.
Покрај тоа, Kosova Sot ги споменува и случаите на убиства на локалните функционери на Деморкатската лига што ја основаше починатиот претседател Ругова./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.