Во напад на тешко вооружени курдски бунтовници врз воен комплекс во југозападна Турција загинаа девет турски војници и полицајци, а убиени се и дваесетина припадници на забранетата Курдска работничка партија (PKK), локалните медиуми.

Како што изјави за AFP гувернерот на провинцијата Сирнак, Вахдетин Озкан, во нападот на курдските бунтовници се убиени девет припадници на турските безбедносни сили и ранети се уште други осум. Подоцна агенцијата Anadolu објави дека починал уште еден од ранетите турски војници.

Провинцијата Сирнак се наоѓа во југоисточниот дел од Турција, а нападот на PKK врз пунктот на турските безбедносни сили кај местото Бејтсебап бил изведен во близината на границата со Сирија и Ирак.

Во соопштението на турската армија се наведува дека нападот бил изведен вечерта во недела по 22 часот по локално време. Исто така, се соопштува дека во тек е потера по напаѓачите и дека судирот сé уште трае во понеделникот претпладне.

Судирите меѓу турските вооружени сили и припадниците на Курдска работничка партија се интензивираа последните месеци, што според некои турски официјални извори и аналитичари се доведува во поврзаност со хаосот предизвикан од 18-месечниот конфликт во соседна Сирија.

Пред две седмици бунтовниците во бомбашки напад убија пет турски војници за потоа во противнападот турската армија да ликвидира 21 курдски бунтовник користејќи се хеликоптери.

Инаку, вообичаено судирите меѓу турските безбедносни сили и курдските бунтовници се засилуваат во пролетниот период кога се топат снеговите во планинските предели на турско-ирачката граница каде што се наоѓаат базите на PKK.

Во Турција, САД и Европската унија, ПКК е на листата на терористички организации.

Минатото лето PKK ги засили своите напади врз турските безбедносни сили, на што Анкара возвраќа

PKK која голем број на држави ја сметаат за терористичка организација, прогласи едностран прекин на огнот во август 2010 година, но во октомври истата година се закани дека ќе се откаже од прекинот на огнот поради неуспешните преговори на турските власти со Курдите.

Според податоците на турските воени извори, во судирите на турските власти со Курдите односно од почетокот на бунтот на Работничката партија на Курдистан во 1984-та, загинале повеќе од 45 илјади луѓе. /крај/мф/сн