Босна и Херцеговина пропушти можност за приклучување на Акциониот план за подготовка за членство во НАТО, бидејќи властите не успеаја да го исполнат клучниот услов – не го регистрираа недвижниот воен имот како јавна сопственост, изјави шефот на воениот штаб на НАТО во Сараево, Волтер Лорд.

„Министерството за одбрана на Босна и Херцеговина и штабот на НАТО од своја страна сторија сѐ што е потребно, меѓутоа, за жал, на политичко ниво тоа не се случи“, изјави Лорд во интервјуто за сараевскиот дневен весник Dnevni avaz.

Босанските политичари треба да го завршат својот дел од работата, која се однесува на регистрација на недвижниот воен имот, вели првиот човек на штабот НАТО, додавајќи дека земјата најверојатно до крајот на годината нема да може да го активира Акциониот план.

Во декември 2009 година, министрите за надворешни работи на земјите од НАТО одлучија Босна и Херцеговина да се приклучи на Акциониот план за подоготовка за членство, кога ќе се достигне потребниот напредок во реформите. Прашањето на воениот имот сѐ уште не е решено. Од НАТО изјавија дека првата годишна национална програма на БиХ ќе биде прифатена кога сиот невижен воен имот, кој се смета за неопходен за идните одбранбени цели, ќе биде официјално регистриран како државен имот.

Воениот штаб на НАТО во Сараево е одговорен за голем број специфични проблеми поврзани со обезбедувањето помош на владата во спроведувањето на реформите на одбранбените структури и антитерористички активности.

Босна и Херцеговина се состои од два дела (ентитета) – Федерацијата на Босна и Херцеговина (муслиманско-хрватскати) и Република Српска (српски), и претставува сојуз на двета територијални ентитета со посебни позиции. Меѓу главните политички партии во Босна и Херцеговина има принципиелен консензус за членство во НАТО. Но истовремено, владата на Република Српска, каде идејата за приклучување кон Алијансата добива далеку помала поддршка отколку во Федерацијата, вели дека потребно да се организира референдум за ова прашање./крај/мф/сн