Регион
Отказ за водителот на хрватскиот „Милионер“
Водителот на хрватскиот квиз „Кој сака да биде милионер“ Тарик Филиповиќ добил отказ од Хрватската телевизија(ХТВ) бидејќи…
Водителот на хрватскиот квиз „Кој сака да биде милионер“ Тарик Филиповиќ добил отказ од Хрватската телевизија(ХТВ) бидејќи јавно прашал каде завршиле парите од хуманитарните донациите. Популарниот актер и телевизиски водител ќе се појавува уште на ТВ екраните бидејќи однапред снимил три емисии. Во ХТВ уште не знаат кој ќе го замени Филиповиќ, кој беше сменет од директорот на програмата на телевизијата Домагој Божидар Буриќ, поради, како што велат, непримерната изјава. Но, одлуката на Буриќ за смена е повлечена бидејќи директорот на ХРТ Вања Сутлиќ и директорот на ХТВ Благо Маркота се противат на смени во уредништвото на квизот, кои исто уследија по изјавата на Филиповиќ. Медиумите во Хрватска соопштуваат дека утре ќе биде формирана посебна комисија што ќе го испита целиот случај и заклучоците ќе ги донесе до среда, за да може да се започне со снимање на нови епизоди. „Шокиран сум“, изјави Тарик Филиповиќ, кој за отказот бил телефонски информиран од уредничката на забавната програма на ХТВ Елизабет Хомси. „Да, го кажав тоа што го кажав, но мислам дека истото треба да се запрашаат луѓето кои ќе дојдат до болниците за кои се прават хуманитарните акции и ќе видат како изгледаат фасадите и внатрешноста на тие згради“, рече Филиповиќ, додавајќи дека и самиот учествувал во најмалку 30 хуманитарни акции. Пред утрешното појавување на Филиповиќ на ТВ екраните, ќе се огласи спикер кој ќе соопшти дека ХТВ се оградува од непримерните изјави на водителот на квизот. Првите луѓе на детските болници спомнати во изјавата на Филиповиќ, изјавија дека истапите на водителот се злонамерни и бараат јавно извинување. /крај/фо/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сопругата на Трифуновиќ: Сергеј е казнет за меме-фотката, но не е нејзин автор
Сопругата на Сергеј Трифуновиќ, Исидора проговори за неодамнешниот случај на српскиот актер. Таа во интервју за ТВ Блиц изјави дека актерот е осуден на една година затвор условно и дека мора да ја напушти Хрватска до 22 септември.
„Сергеј е казнет за меме фотографија, тој не е автор на таа фотографија, тој е дистрибутер. Фотографијата е спорна. Овој случај нема врска со оној од минатата година во Сплит. Сергеј тогаш беше осуден и плати. Имајќи предвид дека тој не беше на територијата на Република Хрватска кога ја сподели таа фотографија, не ни е јасно дали важат хрватските закони“, изјави Исидора.
„Нему му е забранет влез во Хрватска на три месеци. Тој мора да ја напушти Хрватска до 22 септември“, додаде таа, а потоа раскажа како таа и Сергеј го поминале времето во Хрватска откако тој бил ослободен.
„Одморивме, прошетавме, тој е разочаран поради начинот на кој го третираа. Не се чувствува добро за околностите. Моите родители живеат во Хрватска, никој не ни гарантира што ќе биде следниот пат ако решиме заедно да ги посетиме“, заклучи Исидора.
Сергеј Трифуновиќ беше уапсен во вторник околу полноќ на граничниот премин Бајаково додека преминувал од Србија кон Хрватска. Потоа бил спроведен во Општинскиот суд за прекршоци во Сплит. Трифуновиќ пред судот изјави дека не се чувствува виновен за она за што е обвинет.
Регион
Хрватска се подготвува за поплави: Се поставуваат насипи, службите на терен
Источна и централна Европа беа тешко погодени од поплавите, 16 лица загинаа, илјадници останаа без покрив над главата, а вкупната штета се брои во стотици милиони евра.
Циклонот „Борис“ продолжува да се заканува, реките надојдоа. Хрватска е во опасност поради Дунав. Другите реки се помалку проблематични, пренесуваат хрватските медиуми.
„Имаме мапи за ризик и опасност од поплави. Сигурно ова е една од петте најголеми во историјата. Ова може да се спореди со 2013 година. Но сите ние се бориме против тоа и неуморно работевме, дење и ноќе. Сега има повеќе од 300 луѓе на терен, а пратени се повеќе од 10.000 вреќи, изјави генералниот директор на „Хрватски води“, Зоран Ѓуроковиќ, коментирајќи ја можноста од поплави и водостојот на реките.
Напомена и дека нема недостиг од материјал, ниту од работна сила.
Хрватска, како што рече, е подготвена, без разлика на зголемениот ризик. Исто така, предвидува дека ниту една населена област не треба да биде загрозена.
„Имавме доволно време бидејќи бранот вода патува седум дена до Хрватска. На сите луѓе им беше предложено колкаво ниво на водата може да се очекува, а обезбедивме и луѓе и ресурси. Од недела кога ќе ги завршиме сите активности, главен фокус ќе бидат насипите затоа што не смеат да попуштат“, заклучи Ѓуроковиќ.
Тој одговори и на прашањето како може ситуацијата да се избегне:
„За жал, пред се, придонесоа климатските промени и екстремните хидролошки услови, а тие области имаат поголема населеност, густо се изградени, има и земјоделски површини, а ги стесниле котлинските профили, па можни се природни поплави“ рече тој и продолжи:
„Тешко е да се надградат системите. Традиционално се прават. Проблемот е да се направат десет километри насипи, а само во Хрватска имаме 4.100 километри насипи. Во моментот кога имате најава за екстремни околности не е можно да ги надградиме насипите, ако тоа не беше направено со години пред тоа, да се прилагоди на климатските промени и да се направи се за да се осигура дека дел од водата е безопасна од излевање.
Како ја доживеа одбраната од поплави во Европа? Гледаме дека парламентот во Будимпешта е како остров.
„Унгарија има долга традиција на одбрана од поплави и верувам дека ќе се брани подобро од другите земји. Германија, Австрија, Словенија и Италија имаат големи проблеми. Добро се спротивставуваме досега, без разлика на рекордните водостои на некои реки Ние го прифаќаме сето ова без поголеми последици, но мора да работите, ништо не се случува само по себе.
Регион
Пилот пријавил дека во авионот има бомба: принудно слетал на аеродромот во Подгорица
Капетанот на „ЛОТполиш“ пријавил во полиција во Подгорица дека во авионот на таа компанија има бомба.
На терен е и полицијата, како и полициската антидиверзантска заштита, пренесуваат медиумите во соседството.
Од аеродромот официјално беше соопштено дека нешто пред 17 часот на аеродромот во Подгорица започнала вонредна инспекција на авионот на националната полска авиокомпанија „ЛОТ Полиш ерлајнс“, пишува „Вијести“.
Од таму изјавиле дека авионот бил изолиран и далеку од патничкиот терминал.
Сите други патници се безбедни, а останатите операции засега се одвиваат непречено. Контролата се врши според пропишаните процедури во синхронизирана акција на Полициската управа, аеродромот и другите служби“, се вели во соопштението.
Авионот од Варшава (LO585) летал над Црна Гора, но капетанот по дојавата на Контролата на летање кажал дека мора да слета на пистата на аеродромот во Подгорица.
Полскиот авион слетал во 16:34 часот и во тек е антидиверзантска проверка, стои во написите на медимите.