Регион
Аферата Патриа по 10 години отиде во судска застарување

Вишиот суд во Љубљана го отфрли барањето на некогашниот словенечки премиер Јанез Јанша да му се овозможи повторно судење за аферата Патриа, одлучувајќи дека тој случај отишол во апсолутно судско застарување во август оваа година.
Јанша беше осуден на две години затвор бидејќи наводно во 2005 година, кога бил премиер, прифатил ветување дека ќе добие мито откако финската компанија Патриа ќе склучи договор со словенечката војска за набавка на оклопни транспортери во вредност од 278 милиони евра. Неговите двајца соработници беа осудени на 22 месеца.
По издржаниот дел од казната, пресудите им ги укина уставниот суд заради повреда на судската процедура и кршење на законитоста.
Уставниот суд наложи пред новиот судски совет да се одржи ново судење, но е утврдено дека случајот десет години по настанот всушност застарел и дека случајот нема да добие судски епилог.
Вишиот суд ја потврди одлуката за застарување и ја отфрли жалбата на Јанша за повторно судење за да може целосно да биде судски и политички рехабилитиран.
Јанша во среда ваквото соломонско решение на судот на својот Twitter профил го нарече „кафкијански правосуден пресврт“. Таквите апсурди и исмејување со законот се можни само во Словенија во која владеат кругови поврзани со поранешниот претседател Милан Кучан, наведе Јанша, кој процесите против него ги смета за политички мотивиран прогон. /крај/мф/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црв од шест сантиметри отстранет од очниот капак на пациент во БиХ

Црв од шест сантиметри е отстранет од постар пациент, а фотографијата ја објави познат доктор од Бања Лука, Бојан Козомара.
„Вака изгледа црв штотуку отстранет од очниот капак на постар пациент. Постапката ја изврши мојата драга колешка Тамара“, напиша тој на X.
Ovako izgleda crv upravo odstranjen iz kapka pacijenta starije životne dobi.
Zahvat izvršila moia draga kolegica Tamara… pic.twitter.com/6EK3CrhCE3
— Bojan Kozomara (@KozomaraBojan) September 17, 2025
Според него, црвот, најверојатно, потекнува од куче.
„Ќе го помилувате кучето кое има јајца од глисти, а потоа ќе се фатите за окото“, напиша тој во коментар објаснувајќи ја ситуацијата, објавува Nezavisne.com.
Фото: принтскрин
Регион
Татко си го прегазил малолетниот син со автомобил во градината: трагедија во БиХ

Шеснаесетмесечно момче е убиено во Брчко, БиХ, кога било прегазено од автомобил управуван од неговиот татко, потврди полицијата во тој град.
Трагедијата се случила вчера, а полицијата известила дека 30-годишен маж со иницијали Ј.Х. случајно го прегазил детето во градината на семејната куќа во населбата Церик.
„Таткото го донел детето во тешка состојба и врз него била извршена реанимација. Веднаш потоа, полициски службеници излегле на местото на настанот и ги презеле сите мерки и дејствија во нивна надлежност за да ги утврдат сите околности“, изјави портпаролката на полицијата на округот Брчко, Џевида Хукичевиќ.
„Таткото го спуштил детето за да се подготви за работа“
Агенцијата Фена денес ги објави сведоштвата на соседите кои рекле дека таткото го држел детето во раце, а потоа го оставил во градината за да се подготви за работа.
Полицијата добила пријава за трагедијата од локалната амбуланта, каде што веднаш било однесено тешко повреденото момче, но не можело да се спаси.
Соседите рекле дека го познавале Ј.Х. како вреден татко на пет деца кој се грижи за своето семејство работејќи тешка физичка работа.
Фото: принтскрин
Регион
(Фото) Грција пронајде богатство од потонатиот брод „Британик“, сестрински брод на „Титаник“

Грчките власти објавија дека се пронајдени вредни артефакти од остатоците од бродот „ХМХС Британик“, повеќе од еден век откако сестринскиот брод на познатиот „Титаник“, потона во Егејското Море за време на Првата светска војна, објави Би-би-си.
Иако операцијата за вадење беше спроведена во мај, веста беше објавена дури сега, кога Министерството за култура на Грција откри детали за пронајдените предмети. Сложената операција за извлекување ја спроведе тим од 11 професионални нуркачи, а проектот го организираше британскиот историчар Сајмон Милс, основач на Фондацијата „Британик“.
Богатства извлечени од морското дно
Меѓу предметите извлечени на површината се бродското ѕвонче за набљудување, навигациска светилка на левата страна од бродот, двоглед, керамички плочки од турските бањи и разновидна опрема од кабините од прва и втора класа.
Пронајдените артефакти веднаш беа заштитени во контејнери и исчистени од морски организми, по што беа префрлени во лаборатории за подводни антиквитети во Атина, каде што ќе продолжи процесот на нивна конзервација. Вреди да се напомене дека некои предмети идентификувани во оригиналниот план не можеа да се извлечат поради нивната лоша состојба и локација на остатоците од бродот.
По завршувањето на работите, предметите ќе бидат изложени во новиот Национален музеј на подводни антиквитети во Пиреја, како дел од изложбата посветена на Првата светска војна.
„Британик“ беше третиот пароброд од класата Олимпик на компанијата „Вајт Стар Лајн“, покрај познатите „РМС Титаник“ и „РМС Олимпик“. За време на војната, бродот беше преземен од британската морнарица за да служи како болнички брод.
На 16 ноември 1916 година, „Британик“ налета на германска мина во близина на грчкиот остров Кеа и потона за помалку од еден час. Од 1.065 лица на бродот, 30 ги загубија животите кога два чамци за спасување беа вовлечени во пропелерите на бродот, кои сè уште работеа.
фото: принтскрин