Регион
Aнтитерористичка операција во Истанбул
Истанбулската антитерористичка полиција изведе во четвртокот утрото голема операција во областа на овој турски мегалополис против крајно левичарските групации, ден откако беше нападната полициска станица и беше по неколку месеци повторно пукано пред историскиот комплекс Долмабахче во кој се наоѓа кабинетот на премиерот.
Повеќе осомничени лица се уапсени во рациите спроведени во Саријер и Балталимани, квартови во европскиот дел на Истанбул, пренесува приватната новинска агенција Dogan.
Полициската акција била насочена против Револуционерната партија/фронт за ослободување на народот (DHКP-C), забранета радикална марксистичко-троцкистичка групација којашто во средата ноќта ја презема одговорноста за нападот врз полициска патрола и пред палатата Долмабахче, којашто потекнува од Отоманскиот период, во којашто покрај историско-туристичкиот комплекс е сместен и кабинетот на исламско-конзервативниот премиер Ахмет Давутоглу.
„Ќе ги скршиме рацете (…) кренати врз двајцата народни борци кои барајќи правда го изведоа нападот врз палатата Долмабахче“, истакна групата на својата интернет страница Halkin Sesis. DHKP-C ја презема одговорноста и за нападот врз американскиот конзулат во Истанбул од 9-ти август, а пред две години и за нападот врз амбасадата на САД во турската престолнина Анкара.
Двајца вооружени мажи се уапсени откако истрелале неколку куршуми во близината на палатата Долмабахче близу Босфор. Во нападот немаше повредени. Двајцата напаѓачи беа уапсени и кај нив се пронајдени рачни бомби и автоматски пушки, се наведува во соопштението на кабинетот на гувернерот на областа Истанбул, и можеби се поврзани со нападот врз просториите на владејачката исламско конзервативна Партија на правдата и развојот (АКР), која владее со Турција од 2002 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.