Регион
Бегалците на неколку места ја пробија унгарската граница

Бегалците кои продолжуваат да пристигнуваат преку Србија до границата со Унгарија изминатата ноќ на неколку места ја пробиле границата, стравувајќи од нејзиното целосно затворање, пренесуваат агенциите повикувајќи се на полицијата од унгарската погранична област Чонград.
„Во текот на ноќта и во утринските часови откриени се неколку дупки во оградата на границата“, се вели во соопштението на полицијата.
Сите бегалци коишто се фатени на границата биле испратени во привремените собирни центри на полицијата. Бегалците изјавиле дека ја пробиваат оградата што ја подигна Унгарија на границата кон Србија за да го спечи неконтролираниот прилив мигранти, и покрај тоа што во блиското место Реске и натаму е активен слободниот граничен премин, поради стравот дека на 15-ти септември границата ќе биде затворена.
На 15-ти септември, имено, ќе стапи на сила пакетот мерки од новиот унгарски закон за бегалците и режимот на границите, кои ги изгласа парламентот минатата седмица. Според овој закон, нелегалното минување на границата е кривично дело, кое може да се казни со до три години затвор или депортирање. Кривично дело ќе се смета и оштетување на граничната ограда при преминување, а заострени се казните и за шверцерите со луѓе.
Дотогаш бегалците ја минуваат границата кај Реске речиси бес контрола, се претпоставува дека тие веднаш треба да се пријавата на пунктот за да се регистрираат и да поднесат барање за азил. Меѓутоа, огромен дел од илјадниците бегалци и мигранти одбија да ја почитуваат оваа процедура во Унгарија, како прва земја во границите на ЕУ во која стапнале, стравувајќи дека може да бидат задржани или вратени во неа по нивното натамошно движење во Европа.
Истовремено не е јасно што ќе се случува со неколку илјади бегалци кои во моментов се движат преку Грција, Македонија и Србија кон унгарската граница, а нема да успеат да стигнат до 15-ти септември. Според очевидци, Грција продолжува неконтролирано да ги пропушта бегалците низ својата територија.
Покрај тоа, не е јасно кој ќе го обезбедува приливот бегалци на граничната линија од унгарска територија. Во моментов тоа го прави полицијата, бидејќи граничната полиција во оваа земја одамна е расформирана. На 22-ри унгарскиот парламент ќе го разгледува прашањето за ангажирање на помали воени единици, 12 до14 илјади, кои сега ја немаат обврска за обезбедување на границата. Сепак, војниците во помал број се забележуваа и преодните денови,особено кај граничниот премин Реске.
Од почетокот на 2015 година во Европската унија пристигнаа речиси половина милион бегалци мигранти од северна Африка, Блискиот исток и Азија, а 170.000 од нив преку Унгарија, што претставува најголемата миграција во Европа по Втората светска војна./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик шест години не смее да врши јавна функција: бара помош од Трамп, Орбан и руската амбасада се на негова страна

Судот на Босна и Херцеговина соопшти дека претседателот на Република Српска (РС) Милорад Додик нема да може да извршува никаква јавна функција шест години, не само претседателската, според пресудата.
Лидерот на српскиот ентитет во Босна и Херцеговина е осуден на една година затвор и шестгодишна забрана за политичка активност поради неспроведување на одлуките на високиот меѓународен претставник Кристијан Шмит, пресуда што Додик ја отфрла.
Судот на БиХ првично објави дека Додик нема да може да биде претседател на РС шест години, а потоа испрати ново соопштение во кое објаснува дека оваа одлука, со оглед на промените во законот што ги наметна Шмит, вклучува и забрана за вршење на сите други функции што вклучуваат јавни пари.
Буквалното толкување на ова вклучува и забрана за извршување на функцијата претседател на владејачката СНСД ако партијата на Додик се финансира од буџетот.
Додик во меѓувреме побара меѓународна поддршка и го тагираше американскиот претседател Доналд Трамп на профилот на X, цитирајќи ги неговите зборови од 2024 година во кои повика на прекин на прогонот против него во САД. Тој го спореди својот случај со она што го доживеа Трамп, нагласувајќи дека тој, исто како Трамп, е жртва на политички прогон.
Руската амбасада во БиХ ја оцени пресудата како политичка и го нарече високиот меѓународен претставник „узурпер“.
„Затоа сите пресуди засновани на наводи за наводно кршење на одлуката на високиот претставник не се законски, туку чисто политизирани. Целата одговорност за евентуалната дестабилизација на внатрешнополитичката ситуација во земјата е на промоторите на оваа политичка акција“, соопшти амбасадата.
Унгарскиот премиер Виктор Орбан, исто така, го поддржа Додик, велејќи дека треба да се почитува одлуката на народот на РС кој го избра Додик за свој претседател.
It’s time for everyone to respect the decision of the PEOPLE of Republika Srpska, who elected @MiloradDodik as their President.
There is no place for legal witch-hunts in a democracy.
— Orbán Viktor (@PM_ViktorOrban) August 1, 2025
„Нема место за легален лов на вештерки во демократијата“, напиша Орбан на X.
Фото: ЕПА
Регион
Словенија воведе ембарго на оружје кон Израел

Словенечката влада на вчерашната седница, по предлог на премиерот Роберт Голоб, донесе одлука со која се забранува извоз и транзит на воено оружје и опрема од или преку Словенија за Израел. Исто така, се забранува и увоз на оружје од Израел.
Со оваа одлука Словенија стана првата европска држава што воведува целосна забрана за увоз, извоз и за транзит на оружје поврзано со Израел, истакнаа од кабинетот на премиерот, пренесе „Н1 Словенија“.
Откога Словенија пред две недели ги прогласи израелските министри Безалел Смотрич и Итамар Бен-Гвир за непожелни личности, владата донесе нови санкции против Израел поради насилството и кршењето на човековите права на Палестинците во Појасот Газа и на Западниот Брег.
Новата одлука следува по најавите на премиерот Голоб, кој повеќепати порача дека Словенија ќе дејствува самостојно доколку ЕУ не усвои конкретни мерки до средината на јули.
„Европската Унија, поради внатрешни несогласувања и неединство, моментно не е способна да ја исполни оваа задача“, соопшти словенечката влада.
„Луѓето во Газа умираат бидејќи системски им се оневозможува пристап до хуманитарна помош. Умираат под урнатини, без пристап до пивка вода, храна и основна здравствена нега. Станува збор за целосно блокирање на хуманитарниот пристап и свесно спречување на основните услови за преживување. Во вакви околности должност е на секоја одговорна држава да дејствува, дури и ако тоа значи да чекори пред другите“.
Словенија, како што се наведува, доследно и принципиелно се залага за почитување на меѓународното право и заштита на човековите права. Владата најави дека во следните недели ќе подготви дополнителни национални мерки против актуелната израелска влада, чиј начин на дејствување претставува сериозно кршење на меѓународното хуманитарно право.
Министерството за надворешни работи на Словенија во четвртокот ја повикало израелската амбасадорка во Љубљана, Рут Коен-Дар, на разговор и ѝ доставило протест поради неодржливата хуманитарна катастрофа во Газа, предизвикана од ограничувањето на пристапот до итна хуманитарна помош.
Регион
(Видео) Од топлотен бран до бури: силно невреме во Солун и на Халкидик

Силното невреме што го погоди Солун во четвртокот наутро предизвика проблеми кај населението.
Обилните дождови ги претворија главните патишта во реки, а локалните извештаи покажуваат дека шахтите пукнале под притисокот на водата, објавува „Товима“.
Πλημμύρισε το κέντρο της Θεσσαλονίκης και οι δρόμοι γύρω από το Βαρδάρη#tanea #taneagr #news #rain #βροχη #kairos #καιρος #weather #thessaloniki #skg #viral #summer #fyp pic.twitter.com/eYTi1EDe7y
— TA NEA (@ta_nea) July 31, 2025
Мотоциклист е повреден кога изгубил контрола на лизгава улица во центарот на градот, поточно на прометната авенија Цимиски.
Според анализите на феноменот преку страницата Weather Analysis на „Фејсбук“, за помалку од еден час се забележани 37 литри дожд на квадратен метар, количина што одговара на просечните вкупни врнежи од дожд за цел јули, пренесува медиумот.
Службите за цивилна заштита се во состојба на готовност бидејќи слични временски услови се очекуваат и во наредните денови според прогнозите, објавува grtimes.gr.
Обилни врнежи од дожд се регистрирани во Солун, на Халкидик и во Кукуш, како и на планинските делови во Епир, Тесалија, Спорадиските Острови и во некои делови од Тракија.
Фото: принтскрин