Регион
БиХ предупредува дека илјадници џихадисти се враќаат назад кон ЕУ

Европската унија се соочува со можото враќање на од две до две ипол илјади лица, кои се бореле на страната на терористите во Сирија и Ирак, а овој податок се однесува на сите 28 земји членки, изјавил босанскиот министер за безбедност, Драган Мектиќ, оценувајќи дека тврдењата оти само илјада од нив ќе се вратат во Босна и Херцеговина (БиХ) се несериозни.
Во интервју за телевизијата N1 Мектиќ оценил дека изјавите на хрватската претседателка Колинда Грабар Китаровиќ за размерите на терористичките закани во БиХ се неодмерени и неосновани, пренесува Hina.
Мектиќ изјавил дека податокот за две до две ипол илјади потенцијални терористи, кои се закана за ЕУ, бил разменет на неодманешниот состанок на шефовите на безбедносните служби, одржавен на Брдо кај Крањ во Словенија и дека овој податок ги демантира тврдењата на хрватската претседателка.
„Сметам дека тоа е целосно неодмерена и неоснована изјава“, изјавил Мектиќ, додавајќи дека е можно хрватската претседателка намерно да била изманипулирана од некој кој и ги доставил податоците за тоа дека во БиХ би можеле да се вратат илјада потенцијални терористи.
Тој додал дека „не е домашна задача на еден претседател на држава јавно да говори за податоци во врска со тероризам“, бидејќи тоа е работа на безбедносните служби, кои треба да проценат дали некоја информација е веројатна и што треба да се преземе во врска со тоа.
Мектиќ потсетил дека во БиХ од сириското и ирачкото боиште се вратиле 46 лица, од кои 20 веќе се процесуирани. За преостанатите 115 државјани на БиХ, кои според податоците на полициските и разузнавачките агенции се уште престојуваат таму, Мектиќ додал дека „тие најверојатно нема ниту да се вратат во БиХ“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Хаос по поплавите на омилените дестинации во Грција: „Се’ се случи за два часа“

Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Регион
За пари дозволувала малолетната ќерка да биде сексуално експлоатирана: мајка макро од Ниш оди во затвор

Аница Б.(46) од Ниш денеска е осудена на пет години затвор за подведување на нејзината малолетна ќерка на Бранислав М.(49) од Пироќ, кој со неа како соизвршител го извршил кривичното дело трговија со луѓе, за што Вишиот суд во Ниш го осуди на пет години и шест месеци затвор.
Како што изјави судијката на Вишиот суд во Ниш, Ивана Миловановиќ, овие двајца делото го сториле од 10 до 12 септември 2019 година.
Аница делото го сторила здраворазумно со умисла злоупотребувајќи ја довербата на малолетната жртва, а Бранислав со употреба на сила и предавање пари во износ од 15.000 динари. Мајката на малолетничката се договорила со него за оваа сума пари да му ја предаде ќерката на сексуална експлоатација. Бранислав, кој престојувал во нејзината куќа, извадил пиштол и рекол дека убивал луѓе и дека има врска со криминал. На Аница и ги предал парите, а потоа се обидел да ја прегрне девојката. Рече дека ќе ја „краси со злато“ ако со него се состане-наведува судијката Миловановиќ.
Како што понатаму појаснила, тинејџерката одбила да го исполни барањето на мајка си, поради што таа пцуела и се заканувала.
– Аница му рекла на Бранислав дека се ќе исправи и дека следниот ден ќе му го донесе малото девојче. Тие се сретнале во кафуле каде Бранислав и врачил златен накит на Аница, а таа и го подарила на ќерката, по што ги оставила сами. Бранислав потоа со такси ја однел девојката во Нишка Бања, каде ја чувал преку ноќ и ја замолил да спие со него – изјави судијката Миловановиќ, пренесуваат медиумите во соседството.
Понатаму, судијата изјави дека при одлучувањето за вината на двајцата обвинети, внимателно биле разгледани сите докази.
– Малолетничка и нејзиниот брат, кој исто така е малолетен, работеле во забавниот парк во сопственост на Бранислав со дозвола на нивната мајка. Бранислав повремено доаѓал во станот на Аница и признал дека и дал 15.000 динари. Дека делото за кое се товарат навистина е сторено, докажа не само сведочењето на малолетната жртва туку и сведокот. Исто така, откривме дека Аница планирала средба на нејзината ќерка со Бранислав на тој начин што таа отишла на училиште на договорениот ден за да го оправда отсуството со тоа што треба да го сними слепото црево. Веднаш потоа ја однела кај Бранислав и ја оставила таму. Дури кога мајка и ја прашала каде е внуката, Аница го пријавила исчезнувањето на малолетничката во полиција – продолжи судијата.
Иако сексуалниот однос не се случил, судот сметал дека тоа не влијае на квалификацијата на делото -трговија со луѓе.
– Според мислењето на Врховниот суд, за постоењето на овој чин доволно е тоа што целта била сексуалната експлоатација, а не е неопходно тоа навистина да се случи – објасни судијката.
Регион
Додик: Јас сум цел затоа што не се согласив да им служам на парите на УСАИД; последните удари на поразените елити

Претседателот на Република Српска, Милорад Додик, кој престојува во Москва, му се заблагодари на американскиот политичар Род Благојевиќ за поддршката посочувајќи дека тој е цел бидејќи не се согласил да им служи на парите на УСАИД и НЕД, туку на својата земјан и дека ќе продолжи да победува во Српска.
„Кога не може да ве победат на изборите, тие се обидуваат да ве уништат во судовите. Ова го научија американскиот претседател Трамп, лидерката на партијата Национален собир, Марин Ле Пен, и многу други лидери, кои ги избраа народот наместо елитата, суверенитетот наместо покорувањето, вредностите наместо грантовите“, напиша Додик на платформата „Икс“.
Истакнувајќи дека Род Благојевиќ го забележал тоа, претседателот на Република Српска истакна дека целта денес се оние што не се согласиле да им служат на парите на УСАИД и НЕД, туку на својата земја, религија и народ.
„Но, тоа се ударите на поразените елити. И ќе биде последен. Претседателот Трамп ќе успее во Америка, Ле Пен ќе победи во Франција, Калин Ѓорѓеску во Романија, а јас ќе продолжам да победувам во Република Српска“, рече Додик означувајќи ги американскиот потпретседател Венс и Илон Маск.