Идната потпретседателка на Европската комисија (ЕК), Аленка Братушек изјавила дека и на својата нова позиција ќе продолжи со поддршка за европскиот пат на земјите од западен Балкан и проширувањето на Европската унија (ЕУ).
 

Идната потпретседателка на Европската комисија (ЕК), Аленка Братушек изјавила дека и на својата нова позиција ќе продолжи со поддршка за европскиот пат на земјите од западен Балкан и проширувањето на Европската унија (ЕУ).

„Моите ставови во врска со западен Балкан се познати. Како словенечка премиерка, јасно го поддржував ставот дека перспективата на членството на земјите од регионот во ЕУ е од најголемо значење. Не само за регионот, туку и за целата ЕУ. Во таа смисла, позната е поддршката од Словенија, како и од мене лично, за отворањето на преговорите за пристапувањето на Србија во ЕУ“, изјавила Братушек за српскиот весник Blic.

Братушек потенцирала дека земјите од западен Балкан припаѓаат во ЕУ и дека ги поддржува овие земји брзо и ефикасно да се придвижат кон ЕУ, која за нив ќе остане отворена.

„Секако, потребно е да постојат и доста реални очекувања во однос на динамиката на проширувањето на Унијата, но за тоа дека не може да се говори за „замор“ од проширувањето покажуваат конкретни факти – во првата половина од оваа година ЕУ донесе две јасни одлуки: ги започна преговорите за членството на Србија, додека Албанија доби статус на земја кандидат. Процесот на проширувањето напредува, и тоа е важно“, потенцирала словенечката премиерка во заминување.

Новиот претседател на ЕК, Жан-Клод Јункер ја предложи Братушек за еден од своите клучни соработници, а Европскиот парламент на скоро ќе се изјасни за составот на Комисијата, која ќе започне со работа во ноември./крај/мф/бс