Регион
Бројот на жртвите во нападот во турски Суруч се искачи на 30

Бројот на жртвите во терористичкиот напад од понеделникот утрото во турскиот град Суруч во покраината Шанлиурфа на самата граница со Сирија, изјави челникот на градската администрација Абдулах Чуфтчи во врска со нападот кој се припишува џихадистичката Исламска дражва кој наводно го извела жена бомбаш самоубиец.
„Бројот на жртвите достигна 30“, изјави Чифтчи во програмата на телевизијата NTV.
Претходните медиумски извештаи говореа за 28 жртви и стотина ранети во експлозијата во дворот на Културниот центар Амара, во кој имало повеќе од 300 активисти на Федерацијата на здруженијата на социјалистичката младина (SGDF), претежно турски Курди, кои учествувале на семинар за обнова на сирискиот курдски град Кобане и помош на сонародниците во соседна Сирија во борбата против Исламската држава, град кој е оддалечен од местото на експлозијата нецел километар.
И во Кобане во понеделникот загинале две лица, откако експлодирал автомобил бомба во близина на контролен пункт на курдските сили, изјави за Reuters Идриз Насан, функционер на сириските Курди.
Турскиот претседател Реџеп Тајип Ердоган изрази сочувство за семејствата на загинатите. Во Суруч премиерот Ахмет Давутоглу ги испрати вицепремиерот Нуман Куртулмуш, министерот за внатрешни работи Себахатин Озтурк и министерот за труд и јавна безбедност Фарук Челик. Турската влада, исто така, веднаш по веста за нападот формираше антикризен центар.
„Ги повикуваме сите да останат обединети и мирни пред терористички напад кој беше насочен против единството на нашата земја“, се истакнува во соопштението на турското министерство за внатрешни работи.
Претставници на турските власти во повеќе изјави соопштија дека имаат „добра причина“ да веруваат, како и прелиминарни сознанија, дека зад нападот стои џихадистичката Исламска држава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Србија нема да воведе санкции против Русија

Претседателот на Србија, Александар Вучиќ, изјави дека Србија нема да воведува санкции кон Русија и дека ќе се држи до својата сегашна политика, и покрај различните најави од владата.
Вучиќ рече дека граѓаните на Србија поддржуваат таков правец бидејќи тоа е „политика на независна и суверена држава“.
„Ќе продолжиме со нашата политика, која беше принципиелна и која досега се покажа како точна, која никому не му се допаѓаше, ниту на оние на Запад ниту на оние на Исток“, нагласи Вучиќ.
Реакцијата на Вучиќ следи по интервјуто на министерот за европски интеграции Немања Старовиќ за австриската агенција АПА. Старовиќ навести дека Србија може да размисли за усогласување со санкциите на ЕУ против Русија откако нејзиното членство во Унијата ќе стане неизбежно.
Тој објасни дека одбивањето да се воведат санкции произлегува од економска неопходност, а не од политичка лојалност кон Москва.
„Русија воопшто нема да биде погодена, но српската економија ќе биде погодена во огромна мера“, рече Старовиќ.
Сепак, претседателот Вучиќ ги отфрли тие изјави, нарекувајќи ги „невнимателни“.
„Жал ми е што некои од нашите пријатели во руските медиуми едвај чекаат да најдат нешто за кое ќе ја критикуваат Србија. Исто така, жал ми е што имаме многу луѓе на нашата домашна политичка сцена кои би сакале да ги бранат Русите отколку Србија. Морам да ги разочарам, Србија нема да воведе санкции врз Русија“, рече Вучиќ.
Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“: