Регион
Чавушоглу предупредува дека Западот „ќе ја загуби“ Турција
Турскиот министер за надворешни работи Мевлут Чавушоглу изјави во средата дека Западот ризикува „да ја загуби“ Турција поради сопствените грешки, а не поради односите на Анкара со Москва или Пекинг, истовремено најавувајќи дека Турција гради „силен механизам“ со Русија за да се обиде да се изнајде решение за Сирија.
„Доколку Западот ја загуби Турција, за тоа воопшто нема да придонесат односите со Русија, Кина или со исламскиот свет. Поради своите грешки тој ќе ја загуби Турција“, предупредува шефот на турската дипломатија Мевлут Чавушоглу во интервјуто агенцијата Anadolu.
Нагласува дека поддршката за влегувањето на Турција во ЕУ се намалила меѓу граѓаните, поради тоа што Унијата се ставила на страната на оние кои го организирале неуспешниот државен удар од ноќта од 15-ти кон 16-ти јули.
„Европската унија прави многу сериозни грешки, вклучително и поддршката на оние кои учествуваа обидот за воен преврат“, додава Чавушоглу.
Претходно турскиот претседател Реџеп Тајип Ердоган ја нарече „нечесна“ позицијата на ЕУ којашто ја критикува Турција за вонредната состојба и начинот на кој се справува со пучистите заканувајќи се со прекин на пристапите преговори доколку Турција поради неуспешниот пуч ја врати на сила смртната казна.
Чавушоглу во продолжение најавува дека делегација којашто ги вклучува претставниците на министерствата за надворешни работи и за одбрана, како и функционери на разузнавачките служби подоцна во среда ќе отпатуваат на разговори во Русија.
Првиот турски дипломат истакнува дека приближувањето меѓу Турција и Русија кое беше означено во вторникот со средбата на претседателите Владимир Путин и Реџеп Тајип Ердоган во Санкт Петербург, не е осмислено како порака за Западот.
Шефот на турската дипломатија вели дека Турција и Русија имаат слични ставови за неопходноста од прекинот на огнот во Сирија, доставувањето хуманитарна помош и политичкото решение на кризата.
Чавушоглу притоа ги повтори зборовите на рускиот претседател Владимир Путун дека Русија ќе го укине ембаргото на турските производи, како и дека, доколку биде потребно, ќе бидат потпишани дополнителни протоколи за да се осигури да продолжат работите околу гасоводот Турски тек./крај/мф/сн
Извор: Anadolu
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.