Регион
Чепурин: Посетата на Путин на Белград никому нема да штети
Рускиот амбасадор во Белград, Александар Чепурин, порача во неделата дека претстојната посета на претседателот Владимир Путин на Србија на 16-ти октомври, ставена во контекстот на судирите меѓу Европската унија и Москва околу кризата во Украина, никому нема да му нанесе штета.
Во интервјуто за Радио Белград, амбасадорот на Руската Федерација во Србија, Александар Чепурин истакна дека посетата на претседателот Владимир Путин значи потврда дека билатералните односи меѓу Москва и Белград „позитивно се развиваат“.„Посетата нема да трае долго, но ќе биде интензива, Ќе има и емотивна конотација, но и практичен економски карактер. Никому нема да му донесе штета“, рече Чепурин, истакнувајќи дека на оваа посета „нема да има ниту закани, ниту непријатности“.Потсетувајќи дека Путин веќе престојуваше во посета на Белград во 2011 година, тогаш како премиер, рускиот амбасадор оценува дека доаѓањето на 16-ти октомври на рускиот претседател во српската престолнина претставува „исправна работа“ и потврда дека односите меѓу двете држави „позитивно се развиваат“.Во врска со барањето на Европската унија дека Србија треба јасно да се изјасни во врска со украинската криза и санкциите што Брисел, како и САД, ѝ ги наметнаа на Русија, амбасадорот Чепурин вели дека Москва „цврсто смета дека движењето на Србија кон ЕУ нема да им нанесе штета на билатералните односи со Русија“.„Би сакал сите земји коишто го бараат тоа од Србија, исто така, да го признаат територијалниот интегритет на земјите кои ги признаа обединетите нации. Вие знаете за што јас зборувам“, порача Чепурин, алудирајќи на поранешната српска јужна покраина Косово која во 2008 година еднострано со поддршка на водечките земји на ЕУ и САД прогласи независност, којашто Русија не ја признава, како и неколку земји членки на Европската унија.Чепурин оцени дека „во спротивно тоа би биле двојни стандарди“ во стилот „ние не ве почитуваме, но од вас бараме“. „Тоа сѐ се политички работи, но би требало да се знае границата“, додаде рускиот амбасадор во Белград.Чепурин истакна и дека посетата на Путин, освен церемонијалниот дел и неговото присуство на воената парада, ќе биде одбележана доминантно со економски прашања, но не наведе за кои сфери ќе стане збор. Притоа ја оцени соработката на Русија и Србија како „прилично динамична“, и укажа дека на крајот од 2014 година се очекува раст на руско-спрската стоковна размена од 20 до 30 отсто, како и дека во тој случај би достигнала „3,5 милијарди американски долари, а можеби и повеќе“.„Тука има можност. Доколку му пристапиме на тоа паметно, одговорно и конструктивно, ќе можеме да зборуваме за повеќе работи и да тргнеме напред“, изјави Чепурин.Зборувајќи за меѓународниот гасовод Јужен тек кој треба заобиколувајќи ја Украина да ја снабдува западна Европа со руски гас но наидува на административни пречки од Брисел кој од земјите кои се членки на ЕУ или како Србија се кандидати за членство бара да ги раскинат договорите за изградба на гасоводот, Чепурин оцени дека реализацијата на тој проект на „Србија ќе ѝ овозможи за две три години да стане регионален енергетски центар“.„Ќе биде искористена инвестиција од две милијарди евра, а тоа значи поголем број вработувања, поевтин и посигурен увоз на гас за Србија, развој на хемиската, енергетската и електроенергетската индустрија, но ќе им значи и на обичните граѓани да користат гас во своите домаќинства и автомобили“, изјави рускиот амбасадор во Белград во интервјуто со коешто се најавува посетата на рускиот претседател Владимир Путин на 16-ти октомври.Како што претходно е најавено, Путин во Белград ќе има одвоени средби со српскиот колега Томислав Николиќ и со премиерот Александар Вучиќ, а ќе присуствува и на воената парада по повод 70-годишнината од ослободување на Белград од германската окупација во што учествуваше и поранешната Црвена армија. На воената парада најавено е учество и на пет руски „МиГ-29“ од акробатската група „Стрижи“ на руското воздухопловство./крај/мф/сн
Извор: Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.