Регион
Ципрас ги смени бунтовниците, направи реконструкција на владата
Грчкиот премиер Алексис Ципрас ги смени во петокот бунтовните министри и нивните заменици кои гласале против реформите со коишто грчките доверители го условуваат третиот пакет меѓународна финансиска помош за земјата.
Реконструкцијата на владиниот кабинет аналитичарите ја гледаат како обид на грчкиот премиер Алексис Ципрас да им покаже на меѓународните доверители дека ја задржува контролата над сé побунтовната владејачка коалиција на радикалната левица Сириза.
Претходно се споменуваше дека Ципрас се подготвува на големи промени во владата, имајќи предвид дека повеќе членови од неа одбиле да го поддржат законот неопходен да започнат преговорите со доверителите за да се склучи целосно договорот за добивање на неопходната помош за земјата на којашто ѝ се заканува банкрот. Како и во некои други парламентарни републики, во Грција министрите може да бидат и да гласаат како пратеници.
На ваков чекор Ципрас беше принуден откако 38 пратеници на Сириза гласаа против реформите или беа воздржани, па мораше да се потпира на гласовите од опозициските партии за реформите да добијат зелено светло во парламентот. Со овој закон Грција ќе добие помош од 86 милијарди евра во следните три години, но ќе мора да ги спроведува дополнителните непопуларни и болни реформи, како зголемување на некои даноци на додадена вредност, на приходи, промени во пензискиот систем, кастрење на јавната потрошувачка, приватизацијата….
Министерот за труд Панос Скурлетис ќе стане министер за енергетика, заменувајќи го Панајотис Лафазанис, еден од тврдите бунтовници од Сириза. Лафазанис ја предводи левата фракција во Сириза и заедно со уште 30 пратеници гласаше против предлог-законот за реформите.
Министер за управни реформи Јорго Катругалос ќе биде, пак, нов министер за труд. Трифон Алексиадис, досега главен член на грчките даночници, стана заменик министер за финансии, наместо Надиа Валавани која претходно седмицава поднесе оставка бидејќи не се согласува со програмата којашто Ципрас има намера да ја спроведе. Поставен е и нови министер за одбрана, Кристофорос Вернадакис, а Олга Геровасили, досегашна пратеничка, стана нова портпаролка на Сириза.
Својата функција ја задржа Евклид Цалакотос, кој на 6-ти јули стана нов министер за финансии наместо во Европа непожелниот Јанис Варуфакис, кој е близок соработник на премиеорт Ципрас./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.