Регион
Ципрас: Грција останува во еврозоната и ќе се бори против штедењето

Грција ќе остане во еврозоната и ќе води борба против политиките на штедење кои ја уништуваат Европа, изјави во неделата Алексис Цирпас, челникот на коалицијата на радикалната левица Сириза, којашто според анкетите ќе биде победник на предвремените парламентарни избори на 25-ти јануари.
„Јасно е од секој аспект дека прашањето на излегување на Грција од еврозоната не постои“, истакнува Алексис Ципрас во разговорот за грчкиот неделник на англиски јазик Realnews. Појаснува дека таквите информации се појавиле уште во 2012 година, во екот на најголемата грчка криза, меѓутоа „атмосферата во овој момент е сосема поинаква“.
„За таквата можност единствено зборува (грчкиот премиер на заминување) Антонис Самарас, меѓутоа високите европски функционери секојдневно го демантираат“, истакнува челникот на Сириза.
Минатата седмица Европската комисија извести дека припадноста на конкретна земја на еврозоната е „неотповиклива“. Тоа дојде како одговор на повеќето написи во германскиот печат дека владата на канцеларката Ангела Меркел разработува сценарија со можноста на излегување на Грција од монетарната унија, како и дека смета оти тоа не би претставувало особен проблем.
Ципрас тврди дека Самарас систематски ги заплашува грчките избирачи со ткн сценарио „Grexita“, односно излегувањето на Грција од еврозоната, осудувајќи ја политиката на Сириза којашто сака да ги прекине жестоките мерки на штедења, инаку договорени со „тројката“ меѓународни доверители на Атина во замена за огромниот пакет финансиска помош со кој земјата го избегна банкротот и можноста да ја напушти еврозоната пред неколку години.
Ципрас возвраќа дека Грција „и натаму ќе биде на чело на борбата против политиката на штедење која и’ нанесува штети на Европа, ја јакне крајната десница и европската економија ја води кон рецесија“. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.