Грчкиот премиер Алексис Ципрас изјави во петокот дека се срами што е член на Европската унија чиишто членки „ја префрлаат вината една на друга“ за мигрантската криза и „лицемерно леат солзи“ по децата кои се удавија во обидите да дојдат до Унијата.

Најмалку 35 луѓе се удавија оваа седмица во обидот да го минат Егејското Море меѓу Турција и Грција, со што бројот на жртвите меѓу кои има многу деца, се искачи на 3.000 луѓе.

„Срам ми е што сум член на ова европско лидерство, како поради неспособноста на Европа во решавањето на оваа човечка драма, така и поради расправата на високо ниво на која високите функционери ја префрлаат вината едно на други“, изјави премиерот Алекс Ципрас пред грчките пратеници.

Во еден од најострите коментари за кризата којашто ја доживува Европската унија, Ципрас рече дек Грација не ската „ниту едно евро“ за спасување на илјадниците имигранти коишто секојдневно пристигнуваат на нејзините брегови. Грција е почетокот на транзитната рута за повеќе од 500.000 бегалци и имигранти коишто од јануари годинава побегнале пред судирите и сиромаштијата на Блискиот исток, Африка и Азија, предизвикувајќи конфронтации меѓу европските држава.

„Лицемерно леат солзи по мртвите деца на бреговите на Егејското Море. Мртвите деца секогаш предизвикуваат така и жалење, но што е со живите деца кои пристигнуваат со илјадници и се натискани на улиците? Нив никој не ги сака“, рече Ципрас, одговарајќи на пратеничко прашање да ја објасни согласноста на неговата влада привремено да им пружи засолниште на 50.000 бегалци, пред да бидат преместени во другите земји, дадено на минатонеделниот мини самит во Брисел./крај/мф/сн

Извор: Макфакс