Регион
Ципрас вели дека не сака раскол со Европа
Откако Грција им го предаде на своите доверители списокот со реформите за да ги озбезбеди парите кои ќе го спречат нејзиниот банкрот, премиерот Алексис Ципрас изјави дека не сака раскол со Европа.
Влада на радикалната грчка левица којашто ја предводи Алексис Ципрас договори во февруари продолжување на пакетот надворешна финансиска помош тежок 240 милијарди евра, иако помошта е замрзната, а сега мора да биде постигнат договор за низата реформи коишто во петокот им ги предаде на кредиторите, Европската комисија, Европската централна банка и Меѓународниот монетарен фонд, за да го избегне банкротот.
Доколку Грција, чии граѓани се исцрпени од жестоките мерки за штедење, не успее да дојде до потребните финансиски средства, на 20-ти април ќе остане без пари, изјави неименуван извор за Reuters во вторникот.
„Проблемот со ликвидноста, секако, ја отежнува ситуацијата, меѓутоа верувам дека ќе го решиме штом ќе постигнеме договор за реформите“, изјави Ципрас во интервјуто за неделното издание на Real News.
Откако одговараше на прашањата за владиниот обид да се справи со корупцијата, Ципрас запрашан дали сака раскол со Европа или решавање на проблемите одговара „Јас постојано го посакувам истото: раскол со корупцијата, решение со Европа“.
Претходно во саботата, грчкиот министер за енергетика Панајотис Лафазанис, кој се смета за еден од најлевичарските министри во владата на Ципрас, ја нападна „погерманчената Европска унија… Којашто од седмица во седмица се’ повеќе ја стега јамката околу грчката економија“.
Атина тврди дека предложените реформи ќе ги зголемат државните приходи во 2015 година, за три милијарди евра, делумно и со спречувањето на затајувањето на данокот, но најавува и дека ќе се спротистави на новите „рецесиски мерки“, како што се новите намалување на надниците или пензиите.
Преговорите меѓу Атина и Брисел траат, а грчкиот министер за финансии Јанис Варуфакис во неделното издание на весникот То Вима изјави дека меѓу реформите не е зголемувањето на данокот на додаден вредност./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.