Регион
Дарко Шариќ осуден на 20 години затвор

Специјалниот суд во Белград го осуди на 20 години затвор Дарко Шариќ за криумчарење на 5,7 тони кокаин од Латинска Америка во Западна Европа.
Шариќ и неговиот адвокат не се појавиле во судница, а Шариќ изјавил дека не сака да присуствува на изрекувањето на пресудата.Членовите на групата на Шариќ се прогласени за виновни за секој транспорт на наркотици од Латинска Америка во Европа.Дарко Шариќ во медиумите за прв пат се појавува во 2009 година, кога уругвајската полиција запленила 2,8 тони кокаин. Шариќ по повеќегодишно бегство во 2014 година им се предаде на српските власти, по што е уапсен и од тогаш се наоѓа во притвор. Тврдел дека не е крив по ниедна точка од обвинението и дека дрогата којашто е запленета не е негова.Иако по шест споени обвинение се обвинети вкупно 36 членови на групата на Шариќ, на обвинителна клупа во Специјалниот суд во Белград освен Шариќ, седнаа уште девет обвинети, бидејќи 13 од нив се бегство, девет ја признале вината, а тројца добиле статус на сведоци соработници./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.